Hamidjon Aktamov: "Hujum chizig'imizda oqsash bor"

"Bugun yutishimiz ham yoki aksincha yutqazishimiz ham mumkin edi. Ochiq darvozaga ham gol ura olmadik. Ozgina omad yuz o'girdi. Oxirigacha harakat qildik, bir nechta vaziyatlar yaratdik. Faqat hujumga so'nggi nuqtani qo'ya olmadik. Futbol shunisi bilan qiziq. Oxirigacha kurashamiz, oldinda o'yinlar ko'p. Yo'qotgan ochkolarimizni o'rnini to'ldiramiz",- deydi Hamidjon Aktamov.

- "Qizilqum" jamoasi bugun "Lokomotiv"ga qarshi qanday o'ynashni reja qilgan edi?
- Ko'rgan bo'lsangiz qarshi hujumda o'ynamadik. Barchasi rejamiz bo'yicha o'tdi. Yaratgan vaziyatlarimizdan foydalana olmadik, hujum chizig'imizda oqsash bor. "Paxtakor" bilan o'yinda ham vaziyatlar yaratdik, lekin gol urolmadik. Keyingi o'yinlarda hammasi yaxshi bo'ladi degan umiddaman.

- Jamoa birinchi bo'limda juda yaxshi o'yin namoyish etdi. Ikkinchi bo'limda esa jismoniy tomondanmi pasayish bo'ldi. Bunga nima sabab bo'ldi deb o'ylaysiz?
- Pasayish bo'ldi deb o'ylaganim yo'q. Birinchi bo'limda gol urishga shoshdik. Raqib ham oddiy jamoa emas, yaxshi futbolchilarga ega. Ular ham harakat qilmoqda. Asosiysi bir ochko qo'lga kiritganimiz bilan muxlislarni tabriklayman. Mag'lubiyatga uchramadik. Futbolchilarga ham borini bergani uchun rahmat aytaman.