Gvardiola: "Xoland "Manchester Siti" uchun ajoyib qurol bo'ldi"

"Yaxshi natija, umuman olganda ancha mazmunli o'ynayapmiz. Bor kuchimiz bilan raqiblarning pressingini engib o'tishga harakat qildik. O'tgan mavsumda "Sautgempton"ga qarshi o'yinda qiynalgandik, bu safar esa ancha narsa oson o'tdi.

Ayrim futbolchilarim o'zining yaxshi holatida emas, shunda ham ko'plab vaziyatlar yarata oldik. Birdam o'yin ko'rsatdik. Barchasi chiroyli ko'rindi.

Xolandda ko'plab vaziyatlar bo'ldi, chiroyli gol urdi. U biz uchun ajoyib qurol bo'ldi, chunki u raqib darvozasi oldida katta xavf tug'dirmoqda. Bundan mamnunman.

Jahon chempionati startiga qadar turnir jadvali peshqadami bo'lib turish juda muhim", - dedi Gvardiola.