Guam Osiyo Kubogi saralash bahslarida ishtirok etmaydi

Bunga moliyaviy muammolar sabab qilib ko'rsatilgan. Avvalgi raundda 1,5 million AQSH dollari miqdorida mablag' jamoaning qatnashuvi uchun sarflangan. So'nggi raunddagi xarajatlar miqdori 1,2 million dollarni tashkil qilishi sababli Guam FF buncha mablag'ni qisqa muddat ichida topa olmasligini bayon qilib, OFKga bu borada xat yo'llagan. Guamning o'rniga saralash bosqichida Nepal terma jamoasi ishtirok etadi. Guamliklar ilk marta saralash o'yinlarida maydonga tushib, o'z maydonida Turkmaniston va Hindistonni dog'da qoldirib, Ummon bilan durang o'ynashgandi.