Grigoriy Kolosovskiy: "O'tkazib yuborilgan golda himoyachilarimga savollarim ko'p"

- O'tgan safargi matbuot anjumanida aytganimdek, hozirgi paytda istalgan jamoa o'zining eng yaxshi sifatlarini namoyish etishga harakat qilmoqda. Bugun kubok o'yini bo'lgani uchun raqib bizga jang taklif qildi. Chunki boshida ularning o'yini o'xshayotgandi. Bu bizga muammolar keltirib chiqardi. Nega biz o'yinga juda kech kirib boryapmiz. Faqatgina 36-daqiqaga kelibgina raqib darvozasini ishg'ol qildik. Ha, ungacha ko'plab vaziyatlar yaratgandik. Yana o'sha muammo bizda oqsamoqda: yaratilgan vaziyatlardan foydalana olmaslik. Albatta, ko'proq urishni istagandik. Biroq o'tkazib yuborilgan golda himoyachilarimga savollarim ko'p.

- Ko'plab murabbiylarning fikriga ko'ra, kubok va chempionat o'rtasidagi o'yinlar farqi katta. Bugun shunday farq sezildimi?

- Kubok qisqa muddatli turnir. Shu sababli bu erda istalgan vaqtda yo'qotilgan ochkolar oyoqdan chalishi, guruhdayoq jamomani olib qolishi mumkin. Shu sababli bu erda barcha kurashishga harakat qilmoqda. Agarda bu erda ham chempionat kabi uzoq davom etadigan turnir bo'lganida, barchaning munosabati boshqacharoq va ilk turdanoq chiroyli o'yin uchun o'ynashgan bo'lardi.

- Kubokdagi vazifa qanday?

- Hozircha boshlang'ich vazifa bu ochkolarni olib, guruhdan chiqish. Keyinchalik qo'ldan kelgancha g'alaba qozonib, balki finalgacha etib borib qolarmiz.