Gonduras - Ekvador 1:2. MATNLI TRANSLYACIYA

JCH-2014. "E" guruhi, 2-tur.

GONDURAS - EKVADOR 1:2

Kuritiba. “Arena Bayshada” stadioni.

Bosh hakam: Benjamin Uilyams (Avstraliya)

Gollar: Kostli (31), Enner Valensiya (34, 65)

Gonduras: Valladares, Figeroa, Bernandez, Izagirre (Garsiya, 46), Bengtson, Kostli, Garsiya (CHaves, 83), Espinoza, Garrido (Martinez, 72), Klaros, Bekeles.

Ekvador: Domingez, Guagua, Erazo, Paredez, Noboa, Montero, Ayovi, Saysedo (Mendez, 82), E,Valensiya, Minda (Gruezo, 83), Antonio Valensiya.

Ogohlantirishlar: Bernandez (7), Bengtson (45), Antonio Valensiya (57), Enner Valensiya (73), Montero (80)


                             MATNLI TRANSLYACIYA
                                        YANGILASH



UCHRASHUV TUGADI! EKVADOR G'ALABA QOZONDI!

90` Uchrashuvning ikkinchi bo'limiga 4 daqiqa vaqt qo'shib berildi!

89` Ekvadorda taktik o'zgarish. Yani vaqtni olish uchun "rasmiyatchilik" Montero o'rniga Gabriel tushdi.

88` EEE QOYILLLLL, ENNER VALENSIYA! SO'ZSIZ O'YIN QAHRAMONI!

87` Vaqt oz qolmoqda, harakatingni qil Gonduras!

85` Gondurasning hujmi! XAVFLI! Qanotdan etkazib berilgan to'pga hujumchi etib kelolmadi.

83` Boniek o'rniga CHaves tushdi.

82` Ekvador tarkibida o'zgarishlar. Saysedo o'rniga Mendez va Minda o'rniga Gruezo tushirildi.

81` ESPINOSA!!!! Himoyachilar hozir Espinosaning zarbasini to'sqinlik qilishdi...

80` Montero sariq kartochka bilan siylandi.

79` Ekvador endi qarshi hujumda harakat qilib ko'rdi! Ammo Gonduras himoyasi bu vaziyatda ishonchli harakat qildi.

77` Gondurasning ketma-ket hujumlari samarasiz yakunlanmoqda. Lekin Gonduras faollikni tushirmoqchi emas.

75` Figeroa amalga oshirgan jarima to'pi juda noaniq ketdi.

73` Enner Valensiya hakam tomonidan ogohlantirildi.

72` Gonduras tarkibida o'zgarish. Luiz Garrida o'rniga Mario Martinez maydonga tushirildi.

71` Ekvador posboni tibbiy yordam ko'rsatildi.

69` Gonduras o'ng qanotdan hujum tashkil etdi. Lekin Domingez birinchi bo'lib to'pga egalik qildi.

67` Ekvador jamoasi ko'plab uyushtirilgan hujumlarning navbatdagisini gol bilan yakunlashga erishdi. Gonduras endi hujumga o'tishga majbur.

65` GOOOOOOOOOOOOOOOOOOOOOOOOOOOOOOL! Enner Valensiya! Ekvador o'z maqsadiga erishmoqda! Jarima to'pidan so'ng, Enner Valensiya boshi bilan darvozani ishg'ol etdi, 1:2!

62` Gonduras raqib darvozasini ishg'ol etmoqda. Lekin yana o'yindan tashqari holati qayd etilmoqda.

60` Ekvador burchak to'pidan unumli foydalana olmadi. Gonduras ham standart vaztiyatiga ega bo'lgandi, ammo ular ham bundan samara chiqara olishmadi.

59` Kaysedoda yaxshi vaziyat yuzaga keldi. Kaysedo zarba berish o'rniga maydonga yiqildi. Hakam esa burchak to'pi tepish kerakligini tushuntirdi. Penalti yo'q.

57` Antonio Valensiya hakam tomonidan ogohlantirish oldi.

54` Ekvador yana tashabbusni o'z qo'liga olishga intilmoqda. Gonduras esa qarshi hujumlarni poylamoqda.

52` O'yinga qaytamiz, hozircha jamoalar almashib hujumlar tashkil etishmoqda. Lekin darvozalar tomon zarbalar kuzatilayotganicha yo'q.

51` SHu kechasi telefon jiringlamasada-a?

49` Standart vaziyati samarasiz yakunlandi.

48` Ekvador jarima zarbasi ishlab oldi.

47` Figeroa! Yomon emas! Kuchli va aniq zarba! Lekin raqib posboni ham "choy ichib o'tirmagan" ekan...

46` Ikkinchi taym boshlandi! O'yin davom etadi... SHarh davom etadi...

Birinchi taym tugadi! TANAFFUS!

45+2` GOOOOL???? Gonduras gol kiritdi, lekin hakam bu golni inobatga olmadi. O'yindan tashqari holati qayd etildi!

45` Birinchi bo'limga 2 daqiqa vaqt qo'shib berildi!

44` Jarima to'pi! Bernandez! Ajoyib zarba va Domingezdan super "seyv"!

42` Gonduras yaxshi himoyalanmoqda.

40` Ekvador kichik ustundik bilan harakat qilmoqda. Gonduras esa qarshi hujumda ancha xavfli!

38` O'yin biroz tinchlandi.

36` Yaxshi o'yin, qiziqarli bahs!

34` GOOOOOOOOOOOOOOOOOOOOL! Enner Valensiya! Ekvador ham tezda javob qaytara oldi! Navbatdagi hujum paytida Enner Valensiya darvoza burchagi oldidan o'z "o'lja"sini kutib turdi va yuzaga kelgan vaziyatdan naf chiqara oldi! Hisob tenglashdi, 1:1!

33` Ekvador yuzaga kelgan vaziyatlardan foydalana olmagan edi. Gonduras esa o'zining ikkinchi imkoniyatidan unumli foydalandi!

31` GOOOOOOOOOOOOL! GOOOOOOOOOOOOL! GOOOOOOOOOOOOOL! KOSTLI!!!!! Gonduras hisobda oldinga chiqib olmoqda. Qulay vaziyatga chiqib borgan Kostli jarima maydonchasi oldidan o'zining kuchli va aniq zarbasi bilan hisobni ochmoqda, Balli Kostli! Bravo Gonduras!

28` UHHHHHHHH! Gonduras gol kiritib qo'yishiga sal qoldi-ya... Bernandez burchak to'pidan kelgan to'pga boshi bilan zarba berdi. To'p yo'nalishi esa biroz noaniq ko'rinish oldi. XAVFLI!

25` Kechagi o'yin esimga tushdi. Bugun Greciya rolida Gonduras, Yaponiya rolida esa Ekvador jamoasi. To'p bilan muomalada bo'lish va hujumlar tashkil etishda Ekvador ustunlik qilmoqda. Gonduras hozircha asosiy etiborni himoyaga qaratmoqda.

22` Men bo'lsam gol urardim deysizmi? Ha, balki. Lekin hozir Enner Valensiya shu golni urolmadi...

20` VAZIYATISHEEE! ENNER VALENSIYA! Qanday qilib gol urmading-a? Ekvador jamoasi hisobni ochishga juda yaqin kelgandi. Valensiya darvozabon bilan yakkama-yakka chiqib bordi va darvozani nishonga olishda xatoga yo'l qo'ydi.

16` Gonduraslik futbol muxlislari stadionni larzaga keltirishmoqda. "O'yna o'yna gulpari, yana o'yna gulpari, akajoningni kuydirib, yana o'yna gulpari" degan qo'shiqqa raqsga tushishayotgandek...

14` O'yin tempi biroz pasaydi.

12` Gonduras o'yinni o'z jarima maydonchasi oldidan  uzoqlashtirmoqchi.

10` Kichik ustunlik kutilganidek Ekvador tarafida. Gonduras esa qarshi hujumda o'z omadini qidirib ko'rmoqda.

8` Ekvador jarima zarbasini amalga oshirdi. Noboa va Ayovining ketma-ket zarbalari darvozaga bormadi.

7` Tungi o'yinlarda ham shiddatkor futbol ko'rsatsa bo'larkan-u!

6` Ee MALADES, GONDURAS! Tezkor javob! Boniekning zarbasini Domingez bartaraf etdi! UHHHH!

4` Yashavor Ekvador! Hujumkor o'yin ko'raylik! Gazni bosinglar! Hozir chap qanotdan ajoyib hujum tashkil etildi. Lekin gonduraslik himoyachilar bu vaziyatda ishonchli harakat qilishdi. Hozircha yomon emas!

3` Ekvador shiddat bilan oldinga bormoqda. Menimcha, o'yin zo'r bo'ladi! Har holda shunga umid qilamiz...

2` O'yin boshlanishga ulgarmasdan, Enner Valensiyani yiqitishdi. Barakatopgurlar, futbol o'ynanglar-e!

1` Uchrashuv boshlandi! Har ikkala jamoaga omad tilagan holda, ulardan chiroyli va mazmunli o'yin kutib qolamiz...

Jamoalar maydonga chiqib kelishdi. Endi esa har ikkala davlat madhiyalari jarang soladi...

Uxlab qolmadinglarmi?

Assalomu aleykmum qadrli futbol ishqibozlari! Gonduras hamda Ekvador jamoalari o'rtasidagi bahsning onlayn translyaciyasini  shu sahifa orqali o'qib borishingiz mumkin. Ushbu bellashuvni matnli translyaciyasini SHahboz Beg'amov yozib boradi.


- O'yin soat 03:00da boshlanadi.