GERMANIYA - GANA 2:2. MATNLI TRANSLYACIYA

JCH-2014. “G” guruhi. 2-tur
GERMANIYA – GANA  2:2
Fortaleza. “Kastelan” stadioni
Bosh hakam: Sandro Richchi (Braziliya)
Gollar: Gyotce 52, Kloze 72 - A.Ayyu 55, Asamoa Gyan 63
Germaniya: 1.Noyer, 20.Boateng (21.Mustafi, 46), 17.Mertesaker, 5.Xummels, 4.Xevedes, 16.Lam, 18.Kroos, 6.Xedira (7.SHvaynshtayger, 70), 8.Ozil, 19.Gyotce (11.Kloze, 70), 13.Myuller.

Gana: 16.Dauda, 3.Gyan, 7.Atsu (22.Vakaso, 74), 9.Kevin Princ Boateng (Jordan Ayyu, 52), 10.Andre Ayyu, 11.Muntari, 17.Rabiu (8.Badu, 78), 19.Mensa, 20.Asamoa, 21.Boye, 23.Afful.

                                MATNLI TRANSLYACIYA
                                           YANGILASH

Sizlar bilan o'yinni Narzulla kuzatib bordi. Bugun durang bo'ldi, ertaga g'alaba sizga yorda bo'ladi!

O'yin so'nggida Myuller raqib bilan to'qnashib ketib yuzidan jarohat oldi. Unga shifo tilaymiz!

90+3. Uchrashuv yakunlandi. Jangovor durang, ikkala jamoa uchun bir ochko haqli natija! Ikkala jamoaga ham rahmat! 

90. O'yinga 3 daqiqa qo'shildi yana uch daqiqa mana shu ajoyib o'yinni ko'ramiz

90. KLOZEEEEEE! Uning zarbasi noaniq chiqdi, sal qolishga sal qoldi!

88. GYANNNNNNNNNNNNNNN!!! Jarima maydoni tashqarisidan yo'llangan zarba xavfli, ammo lekin biroq noaniq chiqdi

86. JORDAN! Maykl emas Ayyu! Uning kuchli va aniq zarbasidan so'ng to'pni Noyer ushlab oldi!

85. Germaniya burchak to'piga ega bo'ldi, ikkala holatda ham himoyachilar yaxshi o'ynashdi.

83. Myuller!!! Sal qolsa gol urardi, himoyachi to'pnga tashlanib xavfli baratarf etdi. Uchrashuv tugab bormoqda

81. Ikkala jamoaga ham durang kerak emas g'alaba qozonmoqchi ikkala tomon, ko'ramiz kim yutarkin?

79. Hozirgina tushgan Baduning kuchli zarbasi noaniq ketdi, lekin zarba juda kuchli edi

78. O'zgarish. Gana. Rabiu o'rniga Badu tushdi

77. SHvaynshtaygerning jarima zarbasi noaniq ketdi!

76. Kloze bu safar to'pni oshirib berdi, qurbaqaga o'xshab sakragan Dauda to'pni qaytarib yubordi.

75. Germaniya endi uchinchi golni urishga shaylanmoqda. Hujumlar ancha xavfli chiqmoqda

73. O'zgarish. Gana. Atsu o'rniga Vakaso tushdi

72. Burchak to'pidan so'ng Miroslav Kloze kerakli vaqtda kerakli joyda paydo bo'ldi va JCHdagi o'zining 15-golini urdi va Ronaldoga etib oldi.

72. GOOOOOOOOOOOL, GOL! GOL! GOL! GOL! REKORD! KLOZEEEEEEEEEEEEEEE! MA LA DE S! QOYIL!

71. Kloze rekord sari qadam tashlaydimi? Ko'ramiz

70. O'zgarish. Germaniya. Gyotce o'rniga Kloze, Xedira o'rniga SHvaynshtayger tushdi

69. Gana goldan keyin ham hujumga o'tmoqda, "nagliy"!!

68. YANA BIR VAZIYAT!!! ANDRE AYYU sal qolsa dublga erishardi! Uning bo'yi salgina pastlik qildi

65. JORDAN AYYU!!! ZARBAAAAAAAAAA! NOYER! CHap qanotdan katta tezlikda oldinga o'tib zarba berdi, darvozabon to'pni ushlab oldi.

64. Uxlamaganlarga ming rahmat, mana sizlar uchun ajoyib gollar shousi. Tomosha qiling rohatlaning. Bu ayniqsa Ganaga muxlislik qilgan kam sonli insonlar uchun yoqimli

63. Gana futbolchilari o'ynashmoqda! Raqsga tushishmoqda. Bugun bayram, bugun bayram, nananananana!

63. GOOOOOOOOOOOOOOOOOOL !GOOOOOOOOOOL! GOOOOOOOOOOOOOL! GYAYAYAYAYAYAYAYAYAYAYAYAYAYAYAYAN! 1:2

60. Mustafi o'ng qanotdan to'pni jarima maydoni ichiga to'pni oshirdi, darvozabon to'pni egallab oldi.

58. Muntari burchak bayroqchasi tomonida boshqa darvozani ko'rib qoldi shekilli, zarba o'shayoqqa qarab ketdi

56. Davom eting mister elchi biz barcha gaplaringizga qo'shilamiz. Gollar urishda davom etinglar!

55. Affulning pasidan so'ng Andre Ayyu kal boshi bilan darvozani ishg'ol qildi - 1:1.

55. GOOOOOOOOOOOOOOOOOOOOOOOOOOOOOLL! ANDRE AYYU !!!! 1:1

53. Maydonga muxlis tushib ketdi, ana bo'masam! U Muntarini yoniga borib so'rashdi va maydondan olib chiqib ketildi .

53.O'zgarish. Gana. Boateng o'rniga Jordan Ayyu tushdi

52. Jarima maydoniga uzatilgan to'pni Gyotce g'alati tarzda darvozaga yo'lladi 1:0.

52. GOOOOOOOOOOOOOOOOOOOOOOOOOOOOOOLL! GYOTCEEEEEEEEEEEEEEEE!

48. O'yindan oldin Germaniya 4ta, 5ta gol uradi deganlar Gana ham maydonda o'ynashini o'ylashganmikin?

47. Germaniyalik yosh asssal muxlisning o'rtadagi tishi yo'q ekan, u hujumga o'tinglar deyapti,

46. Ikkinchi bo'lim boshlandi.

46. O'zgarish. Germaniya. Jerom Boateng o'rniga SHkodran Mutsafi tushdi

Uyquni o'chiradigan rasm



45. Dastlabki bo'lim tugab qoldi, tezda o'tgandek tuyuldi. Hozircha 0:0. Ikkinchi bo'limda gol ko'rishga umid qilamiz. Uxlab qolgan "o'ris")))

44. Gana hujum qildi, xavfli bo'ldi, biroq oxirgi zarba noaniq ketdi

43. Ertalab soat 8da saytimiz vakillari OAV kuniga bag'ishlangan musobaqadagi ishtirokini boshlaydi. Ammo bugun soat 3da bo'ladigan o'yin ham matnli translyaciya qilinadi. Biz odammasmiz)))

42. Dastlabki bo'lim tugab bormoqda. Bugun birinchi bo'limlarda gol bo'lmaydimi deyman. Argentina va Eron bahsidayam shunday bo'lgandi

40. Germaniya katta kuch bilan hujumda, Myuller chapdan jarima maydoniga to'pni oshirdi, Gyotce to'pga ulgarmadi. O'ngdan Boateng to'pni uzatdi, himoyachilar qaytarishdi

38. Xedira maydonda yotibdi, muxlisalar esa unga mehr shafqat ko'zi bilan qarashmoqda

37. Ganaliklar himoyada ko'p xatoga yo'l qo'yishmoqda. Hozir Gyotcening zarbasi aniq chiqdi, posbon to'pni ushlab oldi.

35. Lam-Ozil kombinaciyasidan so'ng Mesut to'pni jarima maydoni markazidagi Myullerga oshirdi, himoyachilar "na cheku"!

34. Gyayayayayan! Nima bu? CHap qanotdan himoyachidan ajoyib tarzda qochib ketgan hujumchi darvozabon qarshisida o'zini yo'qotib qo'ydi va noaniq zarba berdi.

32. MUNTARIIIII! NOYERRRRR! Jarima maydoni tashqarisidan yo'llagan kuchli va o'ta kuchli zarbasidan so'ng Noyer to'pni qaytardi. Hozircha o'yindagi eng xavfli vaziyat!

31. Gyan o'ng qanotdan to'pni jarima maydoniga oshirdi. Bu erda boshi bilan zarba berishi kerak bo'lgan futbolchi bu Asamoa Gyanning o'zi edi...

30. Tribunadagi muxlislar hozir ancha ommalashgan "selfi" tushish bilan ovvoralar. "Selfi" bu o'zini o'zi rasmga olish

29. GYOTCE! Mario o'ng qanotda raqib xatosidan so'ng to'pni olib jarima maydoniga kirib bordi. Uning zarbasi himoyachiga tegib darvoza to'rining tashqi tomoniga tegib chiqib ketdi!

26. Nimaga maydondagi vaziyatlarni yozmayapti bu deyayotgandirsiz. Sababi yozadigan narsaning o'zi yo'q.

25. Talablarga binoan



24. Germaniya shoshilmasdan hujumni tashkil qilmoqda, hech qanday pala partishlik yo'q. Albatta bu hozircha, o'yin shu taxlit davom etaversa vaziyat o'zgarishi mumkin

22. Myuller JCHda gol urish bo'yicha mutaxassis ekani barchaga malum, hozircha shu futbolchi 8ta gol urdi

21. Ozil to'pni o'ng qanotdan jarima maydoniga uzatdi. Myuller to'pni darvozaga yo'llay olmadi

19. Myuller o'yindan tashqari holatga tushib qoldi. Hakam bayrog'ini ko'tardi, yo'q oq bayroqni emas o'zining bayrog'ini

17. ZARBAAAAAAAAAAAAAA! O'ng qanotdan tashkil etilgan hujumdan so'ng Xedira jarima maydoni tashqarisidan zarba berdi, to'pni darvozabon ushlab oldi

15. Bugun Miroslav Kloze maydonga tushmadi, ikkinchi bo'limdayam tushmasa biz xursand)

14. Gana ham raqibdan zig'ircha hayiqmay oldinga o'tib turibdi.

12. Xavfli vaziyat! Rabiuning zarbasidan so'ng to'pni Noyer qaytardi

11. Germaniya o'ziga kelmoqda, Kroosning zarbasi yo'liga Boye o'ziga qabul qildi.

10. Ikki Boatengning otasi o'yindan oldin ajoyib! intervyu beribdi: Bugun natija qanday bo'lishidan qatiy nazar men g'olib bo'laman. Eng asosiysi hech kim jarohat olmasin.

8. Germaniya hozircha qanday qilib hujum qilish yo'llarini izlashmoqda. Izlaymaaaaan, izlaymaaaaan degan qo'shiq bo'lardi

5. Xavfli vaziyat! Gana! O'n qanotdan to'p jarima maydoniga uzatilganidan so'ng Gyan darvozaga zarba berdi, ancha noaniq! 

4. Noyer boshlab bergan hujumni yarim himoyachilar davom ettirishdi, Myullerga jarima maydoni ichiga kirishga imkon berishmadi, to'xta ey paravoz...

2. Yoaxim Lyov bugun ko'k ko'ynakda, ancha modniy odam o'zi bu.

1. Bugun kim yutadi? Germaniyami yoki Ganami? Germaniya yutadiyu lekin Ganaga muxlislik qilib ko'ringchi nima bo'larkin.

- Eshmat haligi nima edi? Haya qani kettik! O'yin boshlandi!

- Kayfiyatingiz yo'qmi? Xafamisiz? Unda bosib bosib iching! Ayron iching! Ancha foydali ichimlik.

- Ikkala davlat mahiyalari yangrab o'tdi.

- Honimlar va janoblar Germaniya madhiyasi uchun turishingizni so'raymiz. Stadion suhandoni shunday dedi...

- Kutib olinglar ikkala jamoa futbolchilar yashil maydonga tushib kelishmoqda.

- O'yin vaqtida hushtak chalib turish braziliyalik Sandro Richchiga topshirilgan. 

- Bugun aka uka Boatenglar raqib sifatida maydonga tushishadi. 2010 yilgi mundialda bo'lib o'tgan bahsda Jerom Kevin Princ jamoasini mag'lub etgandi. Bu safar nima bo'larkin?



- Qani hamma uyg'onsin! Germaniya va Gana o'rtasidagi o'yin boshlanmoqda. Bu sizga oddiy chempionat o'yini emas bu Jahon chempionati! 4 yilda bir martagina bo'ladi! Uyquni choy damlashga jo'natib yuboring va maza qilib o'yinni kuzatib boring. 

- Oldindan aytib qo'yish kerak. Agar bugun Germaniya g'alaba bo'lsa soat 03:00dagi o'yinning matnli sharhi ajoyib bo'ladi. Sababi o'sha o'yinda SHaxboz Beg'amov ishlaydi.

- Jamoalar maydonga tushib kelishga hozirlik ko'rishmoqda.

- Xizmatingizda To'lqin akaning qo'shnisi Narzulla bo'ladi.
- O'yin soat 00:00da boshlanadi.