Gattuzo o'z shogirdlaridan birini qiziga yaxshi kuyov bo'lishini aytdi, futbolchi bunga javob qaytardi

"Mestalya"dagi bahsda "ko'rshapalaklar" 5:1 hisobida g'alaba qozondi. Uchrashuvdagi dastlabi golni mezbonlar himoyachisi Toni Lato urdi. Gattuzo o'yindan so'ng o'z shogirdini maqtadi.

"Tarkibimizda Toni Latodek futbolchi borligidan baxtiyorman. U zo'r yigit. Mening qizim hali yosh, endigina 18 bahorni qarshiladi. Lekin Toniga o'xshagan yigit unga munosib turmush o'rtoq bo'la oladi. Tonining qanday yigit ekanligini bilsangiz kerak, u kamtar va mehnatkash", dedi "Valensiya" ustozi.

Toni Lato bu fikrga munosabat bildirdi: "Men nima deyishni bilmayman (yuzi qizargancha), bosh murabbiyni judayam hurmat qilaman, biroq mening qiz do'stim bor".

Eslatib o'tamiz, avvalroq "Tottenxem" ustozi Antonio Konte Son Xyon Min kabi yigitni kuyov qilishni istashini aytgandi.