​Garet Beyl gol ura olmaslik sindromiga chalingan ko'rinadi

Madridning "Real" jamoasi hujumchisi Garet Beyl La Liga 14 turining "Valensiya"ga qarshi kechgan bahsida ham maydonni golsiz tark etdi. Uning o'rniga 63 daqiqada Marko Asensio tushirildi. 29 yoshli forvard Ispaniya chempionatida 10 uchrashuv (793 daqiqa)dan beri gol ura olmayapti. Bu natija uelslikning Ispaniyaga kelganidan beri eng yomon ko'rsatkichi sifatida qayd etildi.

So'nggi marta Garet Beyl La Liga 3 turi doirasida bo'lib o'tgan uchrashuvda (4:1) raqib darvozasini ishg'ol etgan. 1 sentyabr kuni o'tkazilgan bahsda Beyl "Leganes" darvozabonini ranjitgandi.