Futzal. O'zbekiston terma jamoasi Kolumbiyada rasmiy mashg'ulot o'tkazdi

Jamoaning mashg'ulotlari “Kolizeo El Pueblo” nomli sport majmuasida bo'lib o'tdi. Takidlash kerakki, ushbu sport majmuasi 12 ming tomoshabinni o'z bag'riga sig'dira oladi va futzal bo'yicha Jahon chempionati bo'lib o'tadigan uch majmuadan biri hisoblanadi. Ochilish marosimi va final uchrashuvlari ham ushbu majmuada o'tkaziladi.

Mashg'ulot davomida O'zbekiston terma jamoasi bosh murabbiyi chempionat doirasidagi birinchi uchrashuvdagi raqib – Panama billan o'yin uchun bir qancha taktik mashqlar o'tkazdi.

Eslatib o'tamiz, futzal bo'yicha jahon chempionati 10 sentyabr kuni boshlanadi. O'zbekiston terma jamoasining Panamaga qarshi uchrashuvi mahalliy vaqt bilan 18:00da (Toshkent vaqti bilan 11 sentyabr 04:00da) boshlanadi.   

Kolumbiyalik jurnalistlarning fikricha, O'zbekiston – Panama uchrashuvida mahalliy muxlislar O'zbekistonni qo'llab quvvatlashadi. Sababi – O'zbekiston Respublikasi bayrog'i va Kali shahri bayrog'i bir-biriga juda o'xshashdir.