So’nggi yangiliklar

17:53"Манчестер Юнайтед" Родриго учун таклиф тайёрламоқда  0 17:25Эмилиано Мартинеснинг хизматлари "Барселона" ва МЮга таклиф қилинди  3 16:57BBC канали Исроилнинг Ғазо секторидаги ҳаракатларини танқид қилган Линекерни ишдан бўшатмоқчи  7 16:30Чемпионликни бой берган "Аякс" бош мураббийи истеъфога чиқди  2 16:03"Манчестер Сити" Украина терма жамоаси ҳимоячисига қизиқиш билдирмоқда  0 15:34Роналду яқин орада фаолиятини тугатиш ниятида эмас  4 15:08Артета: "Арсенал" сўнгги уй ўйинида АПЛни ютишини орзу қилгандим"  4 14:45Breaking! "Манчестер Юнайтед" Матеус Кунья билан шартнома имзолашга яқин!  4 14:27"Лочинлар" "қалдирғочлар"нинг "қанотини қайирган" ўйиндан ГАЛЕРЕЯ  3 14:18Валерий Седунов вафот этди  1 13:51"Қолишимни кутмагандим". Салоҳ – шартномаси ҳақида  1 13:22"Айнтрахт" Беллингемга кўз тикди  11 12:56"Манчестер Сити" икки футболчи учун 180 млн фунт сарфлайди  19 12:29Камолиддин Тожиев: "Педро Морейра клубдан кетдими? Раҳбариятдан сўраганингиз маъқул"  9 12:26"Насаф"нинг Қўқондаги ғалабали ўйинидан ГАЛЕРЕЯ  0

Futzal bo'yicha Osiyo chempionatiga saralash o'yinlari haqida Yangiliklar

Futzal bo'yicha Osiyo chempionatiga saralash o'yinlari haqida

2020 yilning 24 fevral - 10 mart kunlari Turkmanistonda futzal bo'yicha navbatdagi Osiyo chempionati bo'lib o'tadi.

Hozirda mazkur musobaqaga saralash o'yinlari faqat G'arbiy mintaqada start olgan. Qita birinchiligida 16ta jamoa ishtirok etadi va yakunda kuchli beshlikdan joy olgan jamoalar kelasi yilning 12 sentyabr - 4 oktyabr kunlari Litvada bo'lib o'tadigan jahon chempionatiga yo'llanma olishadi. 

Tabiiyki Osiyo chempionati mezboni sifatida Turkmaniston saralash bahslarida konkursdan tashqari ishtirok etadi. OFK saralash bosqichini 4 mintaqaga bo'lgan holda tashkil etishni maqul ko'rgan: ASEAN mintaqasi, Markaziy va Janubiy mintaqa, SHarqiy mintaqa va G'arbiy mintaqa. 

OFKga azo 47 mamlakatdan 31tasi saralashda qatnashishga o'z roziligini bildirgan. Yakunda Osiyo chempionatiga yo'llanmani qo'lga kiritish quyidagicha taqsimlanadi: 

Mezbon - 1ta o'rin

ASEAN mintaqasi - 3 o'rin

Markaziy va Janubiy mintaqa - 4 o'rin

SHarqiy mintaqa - 3 o'rin

G'arbiy mintaqa - 5 o'rin 

Har bir mintaqada jamoalar 2018 yilgi futzal bo'yicha Osiyo chempioatidagi ishtirokidan kelib chiqib savatchalarga bo'lingan. 


ASEAN mintaqasi

1-savatcha: Vetnam, Tailand

2-savatcha: Malayziya, Myanma

3-savatcha: Indoneziya, SHarqiy Timor 

4-savatcha: Avstraliya, Kambodja 


Markaziy va Janubiy mintaqa

1-savatcha: Eron, O'zbekiston

2-savatcha: Qirg'iziston, Tojikiston

3-savatcha: Turkmaniston, Afg'oniston, Nepal. 


SHarqiy mintaqa

1-savatcha: Yaponiya, Xitoy Taypeyi

2-savatcha: Xitoy, Janubiy Koreya

3-savatcha: Gonkong, Makau, Mo'g'uliston


G'arbiy mintaqa

1-savatcha: Iroq, Livan

2-savatcha: Bahrayn

3-savatcha: Saudiya Arabistoni, Qatar, BAA

4-savatcha: Quvayt, Ummon, Falastin


Saralash qanday tartibda bo'ladi? 

ASEAN mintaqasi jamoalari 21-27 oktyabr kunlari Vetnamda bo'lib o'tadigan ASEAN futzal chempionatida ishtirok etishadi. Bunda 8ta jamoa to'rttadan ikki guruhga bo'linadi. Ushbu musobaqa Osiyo chempionatiga saralash vazifasini o'tab beradi hamda yakunda kuchli 3ta jamoa futzal bo'yicha Osiyo chempionatiga yo'llanma oladi. 

"A" guruhi - Tailand, Myanma, SHarqiy Timor, Kambodja.

"B" guruhi - Vetnam, Malayziya, Indoneziya, Avstraliya. 


Markaziy va Janubiy mintaqadagi saralash o'yinlarida 7ta jamoa ishtirok etadi. Yakunda har ikkala guruhdan birinchi-ikkinchi o'rinni qo'lga kiritgan jamoalar Osiyo chempionatiga yo'l oladi. Agar Turkmaniston terma jamoasi birinchi yo ikkinchi o'rinni egallasa, unda eng yaxshi 3-o'rin egasi ham Osiyo chempionatiga boradi. O'yinlarga Eron mezbonlik qiladi va 23-25 oktyabr oralig'ida o'tkaziladi. 

"A" guruhi - O'zbekiston, Tojikiston, Nepal, Afg'oniston. 

"B" guruhi - Eron, Qirg'iziston, Turkmaniston.

 


SHarqiy mintaqada ham jamoalar ikki guruhga bo'lingan. O'yinlarga Xitoy mezbonlik qiladi va 22-26 oktyabr oralig'ida bo'lib o'tadi. Reglamentga ko'ra, har bir guruhda birinchi o'rinni egallagan jamoalar to'g'ridan-to'g'ri Osiyo chempionatiga yo'l oladi. SHuningdek, ikkinchi o'rinni egallagan jamoalar o'zaro bellashib, kim g'olib chiqsa shu jamoa ham musobaqada ishtirok etish imkoniga ega bo'ladi. 

"A" guruhi - Xitoy Taypeyi, Xitoy, Mo'g'uliston, Gonkong. 

"B" guruhi - Yaponiya, Janubiy Koreya, Makau. 


G'arbiy mintaqada saralash bahslariga allaqachon start berilgan. Bunda ham jamoalar ikki guruhga bo'lingan. Yakunda har bir guruhda birinchi-ikkinchi o'rinlarni qo'lga kiritgan, shuningdek 3-o'rin egalarining o'zaro bahsida g'olib chiqqan jamoa (jami 5ta jamoa) Osiyo chempionatiga boradi. Saralash bahslariga Bahrayn mezbonlik qilmoqda. 

"A" guruhi - Quvayt, Iroq, Bahrayn, BAA, Falastin. 

"B" guruhi - Livan, Saudiya Arabistoni, Qatar, Ummon. 


"A" guruhi o'yinlar taqvimi:

1-tur. 16 oktyabr

Quvayt - Falastin 7:1 

BAA - Bahrayn 3:3 


2-tur. 17 oktyabr

Falastin - Iroq 3:6

Quvayt - BAA 4:1 


3-tur. 18 oktyabr

Iroq - Quvayt, Bahrayn - Falastin


4-tur. 19 oktyabr

BAA - Iroq, Bahrayn - Quvayt


5-tur. 20 oktyabr

Falastin - BAA, Iroq - Bahrayn


"B" guruhi o'yinlar taqvimi: 

1-tur. 16 oktyabr

Livan - Ummon 10:2

Qatar - Saudiya Arabistoni 2:5 


2-tur. 18 oktyabr

Ummon - Qatar, Saudiya Arabistoni - Livan 


3-tur. 20 oktyabr

Livan - Qatar, Saudiya Arabistoni - Ummon

 


Pley-off. 22 oktyabr

"A"-3 - "B"-3


X.Xoliqov tayyorladi.

Reyting: +1   

Fikrlar

championat.asia
< so’nggi yangiliklarni ko’rish
Яндекс.Метрика