Franciya termasida bosh murabbiy almashadiganga o'xshaydi

"L‘Équipe" xabariga ko'ra, garchi Evro-2020da 4 gol urib, termasining to'purari bo'lganiga qaramasdan, Karim Benzemaning termaga qaytishi kiyim almashtirish xonasidagi muvozanatni buzgan.

Undan tashqari, terma ustozi Dide Desham futbolchilarga engil munosabatda bo'lmoqda va ko'p ishlarni ularning o'ziga topshirib qo'yib, nazorat qilmay qo'ygan. Aslida terma futbolchilari JCH-2018dan oldin ham Deshamdan rozi bo'lmagan, biroq mundial g'olibligi ularning orasidagi masofani qisqartirgandi.

Hozirda terma futbolchilari alohida guruhlarga bo'linib olgan. SHu boisdan terma posboni Ugo Loris Ukrainaga qarshi o'yindan keyin jamoaviylik etishmagani haqida gapirgan.

Ertaga franciyaliklar o'z maydonida Finlyandiyaga qarshi bahs olib boradi.