"Бизнинг реакциямиз ўтган ҳафтадагига ("Манчестер Сити"га қарши — таҳр.) қараганда анча яхши ва ижобийроқ бўлди ҳамда ўтказиб юборилган голдан сўнг ортда қолган оғир ҳафтани инобатга олганда, йигитлар ажойиб руҳият ва муносиб жавоб кўрсатишди. Уларни орқага чекинишга мажбур қилдик, босим эса тўхтовсиз бўлди. Олдимизга тушадиган ёки биз томон сакраб қайтадиган тўп керак эди. Шунчаки, гол эртароқ урилмагани афсусланарли, чунки бизда бориб, ўйинда ғалаба қозониш учун шиддат бор эди. Ортиқча шов-шувларга эътибор бермаслик, бу йил нималар қилганимизга, шунингдек, нималар устида ишлашимиз ва нималарни яхшилашимиз кераклигига чиндан ишонишимиз ва ўйлашимиз лозим, аммо биз мақсаддан унчалик узоқда эмасмиз", – дея 33 ёшли англияликнинг сўзларини келтиради PA.
"Манчестер Юнайтед" (5 та ўйиндан сўнг 5 очко) Англия чемпионати турнир жадвалида "Ноттингем Форест" билан 12-ўринни бўлишиб турибди. Жамоа 10 октябрь куни 7-тур доирасида "Тоттенхэм"ни қабул қилади.
