Fotomaqola: Sergeev va uning muhim goli yohud "93 shou"

Eron chempionati va kubogidagi yurishini davom ettirayotgan "Naft" haqiqatdan ham kuchli jamoa edi. "Naft"ni bir yo'l bilan mag'lub etsa bo'lardi, o'yin va muxlislar.

Havoni sovuq bo'lishiga qaramay, stadionga rasman 8500, chiptasizlarni qo'shib hisoblasangiz 11 000ga yaqin muxlis tashrif buyurdi. Ayniqsa Karimov chetlatilgach ularning yordami katta bo'ldi.

Aslini olganda Sergeev o'yinni boshidayoq o'z hisobiga gol yozib qo'yishi mumkin edi. Ammo tajribasizligi pand berdi. Suratda ko'rib turibsiz, posbon bu erda yotibdi. Juda tezlik bilan tura oldi. Afsuski Sergeev to'pga boshi bilan erga qarata zarba berdi.

Raqib murabbiyi "Ikkinchi raqamdagi futbolchi kuchli ekan", - deb Krimecni nazarda tutgan edi. Lekin "Ega"ning xatosi sal qolsa jamoaga qimmatga tushar edi.

Yaponiya hakamlari bizlarni hech qachon ayab o'tirmaganlar. Bu vaziyatda Karimov haqiqatdan ham qizilga loyiq edi. Hakam yaponligini inobatga olgan holda ham bu holatda futbolchi o'zini qo'lga olishi kerak edi. O'yinni so'nggi daqiqalaridagi burchak to'plari ham "Naft"ga sovg'a qilindi.

"93 shou". Avvaliga 1993 yilda tug'ilgan "Paxtakor" akademiyasi tarbiyalanuvchisi Jaloliddin Masharipov maydonga tushdi va jamoasining navbatdagi hujumini boshladi.

SHundan so'ng jarima zarbasi ishlandi va yana bir 1993 yil tarbiyalanuvchisi Vladimir Kozak juda kuchli zarba bilan jarima zarbasini bajardi.

Maydondagi uchinchi "93" esa darvozabondan qaytgan to'pni, darvoza to'riga joylab va u o'yinning 4-daqiqasida yo'l qo'ygan xatosini tuzata oldi. Bu haqiqiy "93 shou" edi. 

SHubhasiz, g'alabadan hammadan ham ko'p quvongan futbolchi bu - SHerzod Karimov bo'ldi. 

Nodirxo'ja Yuldashev