Fotomaqola. Eron bilan o'yinni unutamiz, etiborni KXDRga qaratamiz
12 iyu 2015 13:23
Yangiliklar
![](https://championat.asia/upload/storage/175142_original.jpg)
![](/upload/storage/175142_220.jpg)
Fotomaqola. Eron bilan o'yinni unutamiz, etiborni KXDRga qaratamiz
Kechagi o'yinni asosiy tarkibda boshlagan futbolchilar Odil Ahmedov, SHuhrat Muhammadiev, SHavkat Mullajonov, Anzur Ismoilov, Ikrom Aliboev, Igor Sergeev, Sardor Rashidov bilan SHuhrat Maqsudov alohida shug'ullandi. Ular asosan o'yindan keyingi tiklanish jarayonini o'tkazishdi. Eronga qarshi bahsni asosiy tarkibda boshlagan futbolchilardan faqatgina Vitaliy Denisov umumiy guruh bilan to'liq mashg'ulotlarda ishtirok etdi.
Zohir Qo'ziboev esa jarohati tufayli terma jamoa lagerini tark etgan. Uning o'rniga taklif etilgan Sanjar SHoahmedov umumiy guruh bilan mashg'ulotlarda ishtirok etdi. Aziz Haydarov bugungi mashg'ulotlarni hech bir guruh bilan o'tkazmadi. Futbolchi Mirjalol Qosimov bilan kechagi o'yin haqida fikr almashib, maydon chetida o'tirdi. Umumiy guruh bilan esa odatdagidek Aleksandr Volkov ishladi. Volkov futbolchilarning jismoniy holatini yaxshilash ustida ish olib bordi. Mirjalol Qosimov umumiy guruhda shug'ullangan futbolchilarga boshchilik qildi. Unga bu borada Baxtiyor Ashurmatov ko'maklashdi.
Abdusattor Rahimov esa odatdagidek darvozabonlarimiz Ignatiy Nesterov, Eldor Suyunov hamda Akbar To'raev bilan ishladi. Nesterov kechagi o'yinda maydonga tushganiga qaramay avvaliga barcha kiperlar qatori birga shug'ullandi. Keyinchalik esa unga dam berildi.
Vitaliy Denisov kechagi o'yinda maydonga tushganiga qaramasdan umumiy guruh mashg'ulotda bilan bir xil ter to'kdi
Sanjar SHoahmedov bugundan boshlab terma jamoa lagerida paydo bo'ldi. Futbolchi ilk mashg'ulotda yomon ko'rinmadi. Sanjar yaratilgan imkoniyat foydalanib o'zini ko'rsatishi va terma jamoa safida bo'lishga loyiqligini isbotlashi lozim. Unga bu borada omad tilaymiz
Mirjalol Qosimov KXDRga qarshi o'yinga jamoani jiddiy tayyorlamoqda
Mashg'ulot payti quyosh ayni charaqlab turgan vaqt edi. Havo juda issiqligi bois futbolchilar tomoqlarini xo'llab turishdi
Eldor Suyunov jiddiy shshug'ullanmoqda. Keyingi o'yinda Qosimov balki aynan Suyunovga ishonch bildirishi mumkin. Suyunov jiddiy bahsga tayyor!?
Akbar To'raev ham har ikkala darvozabonlarimizga jiddiy raqobat qilishi tayin
SHuhrat Maqsudov boshchiligidagi guruh: Rashidov, Mullajonov, Muhammadiev, Ismoilov, Ahmedov, Aliboev, Sergeev asosan yugurishdi va o'yindan keyingi tiklanish mashqlarini bajarishdi
Ahmedov KXDRga bilan bo'ladigan o'yin haqida o'ylayotgan bo'lsa ajab emas. Kechagi o'yindagi eng yaxshi futbolchimiz bo'lgan Aliboev esa tomoqni xo'llamoqda
Terma jamoamizning bugungi mashg'ulotidagi to'liq fotogalereyani quyida tomosha qilishingiz mumkin.
Foto: Tolibjon Qosimov
SHahboz Beg'amov
![AMP Logo](https://championat.asia/image/logo-amp.png)
Fikrlar