FOTOGALEREYA. "Nasaf" mashg'ulot o'tkazdi
06 apr 2015 13:44
Yangiliklar
FOTOGALEREYA. "Nasaf" mashg'ulot o'tkazdi
Mashg'ulotlarda jami 24 nafar futbolchi ishtirok etdi.
Darvozabonlar - Eldorbek Suyunov, O'tkir Yusupov, Alibek Turopov, Azamat Ahmedov
Himoyachilar - Maqsud Karimov, Hamza Karimov, SHuhrat Muhammadiev, Botir Qoraev, Rok Roy, SHerzod Azamov.
Yarimhimoyachilar - Erkin Boydullaev, Ilhom Yunusov, SHohruh Gadoev, Doniyor Narzullaev, Bahrom Abdurahimov,Akram Bahriddinov, Aziz G'aniev, SHarof Muhitdinov.
Hujumchilar - Ilhom SHomurodov, Oleksandr Kablash, Kenja To'raev, Azamat Allaniyozov, Artur Gevorkyan, Farruh Sayfiev.
Ro'ziqul Berdiev boshchiligidagi murabbiylar shtabi mashg'ulotlarga boshchilik qilishdi. Dastavval futbolchilar to'p bilan ishlashdi. Bu borada SHuhrat Toshpo'latov futbolchilarni shug'ullantirdi. Keyinchalik jamoaning jismoniy tayyorgarliklari bo'yicha murabbiyi Ilnur Sibagatullin futbolchilarga jismoniy mashqlarni bajartirdi.Darvozabonlar bilan odatdagidek Denis Ivankov ishladi.
So'ngra esa futbolchilar uchga bo'lingan holda o'zaro "kvadrat" o'ynashdi. Birinchi guruhga Ro'ziqul Berdiev bu borada ko'maklashdi. SHuhrat Toshpo'latov va Ilnur Sibagatullin ikkinchi va uchinchi guruhlar bilan ishlashdi.
Mashg'ulotda asosiy etibor to'p bilan ishlashga qaratildi.
Jarohatidan asta-sekin forig' bo'lib borayotgan Kenja To'raev hamda Azamat Allaniyozov yakka tartibda shug'ullanishdi. Andrey Bezborodov bu ikki hujumchi bilan birga ishladi.
Mehmonlar "Al Ahli" jamoasi esa o'zining o'yinoldi rasmiy mashg'ulotini soat 19:00da o'tkazishi ko'zda tutilgan. Bu haqida sal keyinroq batafsil malumot beramiz.
Foto: Sardor Nurov.
SHahboz Beg'amov.
Fikrlar