FIFA.UZ: Evropaga va Tailandga boradigan ishtirokchilarga sovrin topshirildi

Unda ikki nafar ishtirokchi o'z sovrinlariga ega bo'lishdi.

O'tgan mavsum Evropa kuchli beshlik chempionatida eng ko'p ochkoni toshkentlik futbol muxlisi Jahongir Usmonov tuzgan jamoa qo'lga kiritdi. U "Roma" muxlisi bo'lgani uchun aynan shu jamoa ishtirokidagi o'yinga chipta yutib oldi. Kuzda g'olibimiz FIFA.UZ tomonidan Rim shahriga borish kelish aviachiptasi, mehmonxona xarajatlari va o'yin chiptasiga ega bo'ladi.



"G'olib bo'lishning hech qanday siri yo'q. SHunchaki futbolga qiziqish va uni diqqat bilan kuzatib borish kerak. Bundan tashqari har bir turdan oldin transfer qilish ham lozim, buni o'z tajribamdan bilaman. Rimga borib "Roma" o'yinini ko'rishni maqsad qildim. Buning uchun FIFA.UZ ga rahmat", - deydi Jahongir Usmonov.

Qolgan ikki o'rinni olgan ishtirokchilar afsuski hozirgi paytda Toshkentga kela olishmaydi. Ularga ham albatta o'z chiptalari topshiriladi.

Oliy liganing birinchi davrasida g'olib chiqqan ishtirokchi: 1992 yil 13 mayda tug'ilgan Eldor Tursunov Zarafshon shahrida istiqomat qiladi. U sentyabr oyida Tailandda bo'lib o'tadigan o'smirlar o'rtasidagi Osiyo chempionatiga borib terma jamoamizni qo'llab-quvvatlaydi.



Eldor Tursunovning fikrlari quyidagicha bo'ldi: "Oliy ligani anchadan buyon kuzatib kelaman. Har bir turdan oldin qaysi futbolchi gol urishi mumkinligini taxmin qilib jamoa tuzdim. Omadim keldi. 13-turda Farhod Tojiev ikki bor penaltidan gol ura olmagani uchun ham men g'olib bo'ldim. Aks holda mendan keyingi jamoani tuzgan ishtirokchi Tailandga borardi".

FIFA.UZ da yangi evromavsum start oldi. Rossiya, Franciya va Angliya chempionatlarida o'zingizga jamoa tuzishingiz mumkin.

Sovg'alar haqida yaqin kunlarda xabar beramiz. Oz qoldi...