Feliks Sanches: "Natija biz uchun quvonarli bo'lmadi"
18 fev 15:56
Yangiliklar

Feliks Sanches: "Natija biz uchun quvonarli bo'lmadi"

Elit OCHL 8-turidan o'rin olgan "Paxtakor" - "Al Sadd" (2:1) bahsidan so'ng Qatar jamoasi bosh murabbiyi Feliks Sanches o'yindan keyingi matbuot anjumanida ishtirok etishdi.

- O'yin biz kutgandek qiyin bo'ldi. Bahs scenariysi biz kutgandek bo'lmadi. Birinchi bo'limdayoq vaziyatni o'nglab oldik. Ikkinchi golni o'tkazib yuborganimizdan so'ng biz yaxshiroq o'ynashga intildik, ammo qizil kartochka o'z so'zini aytdi. Bunday holatlar kamroq sodir bo'lishi kerak va o'yin natijasiga tasir qilishi kerak emas. So'nggi daqiqalarda esa charchab qolgandik va tartib yo'qoldi. Avvalgi uchrashuvlarda etarlicha o'yin vaqtiga ega bo'lmagan futbolchilarga bugun imkoniyat berdik va ular o'zini yaxshi taraflama namoyish etishdi. Endi keyingi muhim o'yinlarga etibor qaratishimiz kerak.

- Jamoangiz pley-off yo'llanmasini naqd qilib bo'lgandi. Bugungi uchrashuvdagi jamoa ishtiyoqi qanday edi?

- Dastlabki 6ta uchrashuv keyingi bosqichga chiqish uchun etarli bo'ldi. Menimcha, biz ancha raqobatdosh jamoa ekanligimizni isbotlay oldik. Biz musobaqaning dastlabki bosqichini top-5da yakunlaymiz, top-8da emas. Mening maqsadim har doim yuqoriroq o'rinni egallash, ammo katta ehtimol bilan biz to'rtinchi yoki beshinchi o'rinni egallaymiz. Biz turli xil kuchli jamoalarga qarshi o'ynadik. Musobaqadagi umumiy ishtirokimizdan qoniqdim. Bugun ham g'alaba qozonmoqchi edik, ammo natija biz uchun quvonarli bo'lmadi.

- Bugun sovuq havo bo'ldi. Ushbu jihat jamoangiz o'yiniga qanday tasir qildi? Qatar jamoalari uchun bunday iqlimda futbol o'ynash noqulaydek tuyuldi.

- Bunday jihatlar bizga bahona bo'la olmaydi. Biz har bir holatga ko'nikib ketishimiz kerak. Sovuq havo bugungi mag'lubiyatga sababi bo'la olmadi. Bunday darajadagi musobaqada har qanday holat ro'y berishi mumkin.

- "Paxtakor" bugun siz kutgandek o'yin namoyish etdimi yoki raqib bugun qandaydir kutilmagan yurish bo'ldimi?

- "Paxtakor" yangi bosh murabbiy bilan ishlashni boshladi va jamoa o'zgarib borayotgani aniq, lekin katta "syurpriz"lar bo'lmadi. Ular "Al Garafa"ga qarshi o'yinda ham shunday o'ynashga intilishgan edi. Yangi xorijlik futbolchi Riaskos bugun darvozamizga ikkita gol urib ketdi. Men "Paxtakor"ni qanday o'rganib chiqqan bo'lsam, ular hech qanday yangilik taqdim etdi.