Farhod Nishonov "Lokomotiv"ga qarshi o'yindan keyin: "G'alabaga haqli edik, boshqa vaziyatlarimizdan foydalanganimizda hisob yiriklashib ketardi"

O'yin haqida

- Aytganingizdek, bugungi o'yin juda muhim edi. Bizda tayyorgarlik uchun vaqtimiz ko'p emasdi. "Lokomotiv"ning turnir jadvalidagi o'rnidan kelib chiqsak, biz g'alaba qozonishimiz shart edi. Agar biz ochko ololmasak, "Loko" ancha ilgarilab ketishi mumkin edi. Buni yigitlar tushunishdi, his qilishdi va maydonga tushib, haqqoniy g'alaba qayd etishdi.

- G'alabaning asosiy mezoni nimada deb o'ylaysiz?

- Pro-ligada uch ochko olish qiyin bo'lyapti. Jamoalar o'yinga qattiq tayyorgarlik ko'rishyapti. Asosiysi - yigitlar bugun men xohlagan futbolni namoyish qilib berishdi. Ha, bazi vaziyatlarda aytganimdek harakat qila olishmagandir. Lekin ko'ryapman, o'yindan-o'yinga holat yaxshilanib bormoqda. O'zlariga biroz ishonch bera olishdi va shu sababli g'alaba qozondik deb o'ylayman. Raqibni juda jiddiy o'rgangandik, shunga yarasha tayyorgarlik ko'rgandik. Bu ham bizga qo'l keldi.

- "Lokomotiv" haliyam favoritmi?

- "Lokomotiv" bugun mag'lubiyatga uchragan bo'lsa-da, ular bilan hali o'yinlarimiz ko'p. Bugun 10 kishi bo'lib qolgandayam "Loko" favorit bo'lib turdi, vaziyatlar yaratyapti, oxirigacha harakat qilyapti. Tarkibida o'ynayotgan futbolchilari juda tajribali. Ularni esdan chiqarish kerak emas. Yigitlarim o'yindan keyin hissiyotlarga berilishdi, baqirishdi, g'alabani nishonlashdi. Lekin esdan chiqarish kerak emas, baribir ligada "Lokomotiv" - favorit.

- O'yindan oldin "Lokomotiv"ni o'rganganingizda jamoaning qanday kamchiliklarini ko'rdingiz?

- Kamchiliklardan ko'ra raqibning ustunliklariga tayyorgarlik ko'rdik. Ular standartlarda, autlarda yaxshi harakat qilishini bildik. O'ziga yarasha kamchiliklari bor. Шular orqali biz ko'p vaziyat yaratdik, ulardan foydalana olmadik. Agarda foydalanganimizda hisob boshqacha bo'lib ketardi.