Farhod Bekmurotov: “Neftchi” ustidan qozonilgan g'alabani Valijonovga bag'ishlaymiz”

Tabiiyki g'alabadan so'ng Farhodning kayfiyati alo darajada edi.

- CHempionatdagi birinchi g'alabani qo'lga kiritdik. Albatta derbida muvaffaqiyat qozonganimizdan mamnunman. Mazkur uchrashuvga puxta hozirlik ko'rgandik. Muxlislarimiz g'alabani sog'inib qolishgandi. SHu bois bugun yutmasak bo'lmasdi.   

- O'yin kutilganidan ham qiyin bo'ldi. Irodali g'alabaga erishdik. Birinchi goldan so'ng qisqa vaqt ichida javob to'pini kiritib oldik. SHu bois aytarli ruhiy tushkunlik bo'lmadi. Ahillik evaziga va murabbiylarning to'g'ri ko'rsatmalari tufayli bugungi uchrashuvda g'alaba qozondik degan bo'lardim.  

- “Neftchi” ham kuchli jamoa. Tarkibda 2-3 yildan buyon biga o'ynab kelayotgan futbolchilar ko'p. Asosiy tarkib o'zagi ularda saqlanib qolgan. Bu esa jamoaviy o'yinni yaxshi yo'lga qo'yilishida muhim o'rin tutadi. Bunday jamoa ustidan g'alaba qozonganimizdan xursandman.

- Kecha jamoamizning etakchi futbolchilaridan biri bo'lmish Otabek Valijonovning tug'ilgan kuni edi. Bugungi g'alaba unga munosib sovg'a bo'ldi deya olaman. Derbidagi g'alabani aynan unga bag'ishlaymiz.

- O'zimga keladigan bo'lsak, to'g'risi ko'rsatgan o'yinim borasida muxlislar va mutaxassislar baho bersin.

- So'zim yakunida shuni aytib o'tmoqchimanki, bugungi uchrashuvda bizni ajoyib tarzda qo'llab-quvvatlab turgan sodiq ishqibozlarimizga minnatdorchilik bildiraman. Umid qilamanki, kelgusi o'yinlarda ham muxlislarimizni xursand qilamiz, - deydi Bekmurotov.

"Andijon" matbuot xizmati