Fabregas garov o'ynab, Kabaleroga Range Rover yutqazib qo'ydi, ammo vaziyatdan chiqib keta oldi

Garov - bu yomon. Agar raqibingiz Fabregas bo'lsa, ishingiz ikki baravar chatoq. Ispaniyalik "CHelsi"da ko'pincha mashg'ulotlardan keyin qolib, jamoa darvozabonlari bilan penaltini mashq qilardi. Har ikki tomon bor kuchini ishga solishi uchun u doimo katta bo'lmagan mablag' tikardi va doimo yutgan.

Bir necha kun oldin Sesk omadsiz garov haqida gapirib berdi. Uning so'zlariga ko'ra, faoliyatidagi 29ta penaltidan 11tasini qaytargan Villi Kabalero Fabregasni taslim qilgan ekan. Ammo yarim himoyachi zarbalardan oldin o'ziga juda ishongani va xavfni his qilmagani haqida gapirdi.

SHu sababli ispaniyalik darvozabonga kutilmagan garovni taklif qildi: Agar argentinalik posbon zarbani qaytarsa, Sesk unga Range Rover sovg'a qilishini aytdi. Baxtga qarshi, Fabregas butun jamoa ko'z o'ngida sharmanda bo'ldi, kiper seyv ijro etdi.

Ispaniyalik Kabaeleroga mashina qarz bo'lib qoldi, ammo ayyorlik ishlatdi. Ular mashinaning holati haqida kelishishmagan edilar.

"Men metallolom bazasidan 950 funtga Range Rover sotib oldim - uni haydashning iloji yo'q edi" - dedi Sesk.

Ushbu hikoyani birinchi bo'lib aytib bergan Marchin Bulkaning so'zlariga ko'ra, mashinaning oynalari singan, faqat eshiklar butun edi.

Aslida mashinaning holati juda qo'rqinchli bo'lmagan.

Sesk hikoyasidan xulosa shuki, hech qachon garov o'ynamang. Hech qachon.