Evropa TOP-5 chempionatida gol urgan birinchi shimoliy koreyalik futbolchi haqida
12 apr 2017 14:42
Yangiliklar
![](https://championat.asia/upload/storage/248863_original.jpg)
![](/upload/storage/248863_220.jpg)
Evropa TOP-5 chempionatida gol urgan birinchi shimoliy koreyalik futbolchi haqida
2017 yilning 10 mart sanasida Kalyari shimoliy koreyalik Xan Kvan Sonning transferini elon qildi. 2014 yilda u U-16 Osiyo CHempionatida g'olib chiqdi, bir yildan so'ng U-17 Jahon chempionatida ishtirok etdi. Kalyari klubi rasmiy sayti xabariga ko'ra 18 yoshli Xan ikkala oyog'ida zarba bera olishi, driblingi, golni his qilishi va o'yinni tushunishi tufayli transfer qilingandi.
14 mart kuni Xan Kalyari yoshlar jamoasi safida Viaredjodagi musobaqada gol urgandi. Sardiniya klubi Parmani mag'lub etgan 4:1, Xan esa asosiy jamoaga yo'l olgandi.
19 mart kuni u Lacioga qarshi uchrashuvda zaxirada o'tirdi. 2 aprel kuni esa Palermoga qarshi bahsda zaxiradan maydonga tushdi. SHu tariqa Xan Kalyari safida maydonga tushgan ilk osiyolik, Evropaning top-5 chempionatlarida o'ynagan birinchi shimoliy koreyalik futbolchiga aylandi.
O'tgan hafta Xan A seriyada ikkinchi bor maydonga tushdi. U Torinoga qarshi bahsda 14 daqiqa harakat qilib gol urishga ham erishdi. Italiya chempionatida jami 19 daqiqa va 1 gol ajoyib natija.
Italiya A seriyasidagi ilk golimdan juda ham xursandman, – deydi hujumchi o'yindan so'ng. – Muxlislar, murabbiylar va jamoadoshlarimga rahmat aytaman. Kalyarida o'zimni yaxshi his qilayapman. Mening sevimli o'yinchim? Menga Krishtianu Ronaldu yoqadi.
sports.ru saytidan Narzulla tarjima qildi
P.S. Xan Kvan Song 2014 yilgi Osiyo chempionatida O'zbekiston darvozasiga gol urgandi. Aleksandr Mochinov boshchiligidagi o'smirlarimiz guruh bosqichida KXDR ustidan 3:2 hisobida g'alaba qozonishgandi. Xan gollardan biriga mualliflik qilgandi. O'zbekiston safida Suhrob Nurulloev (ikkita) va Abdug'ani G'anijonov gol urgandi.
O’xshash yangiliklar
![AMP Logo](https://championat.asia/image/logo-amp.png)
Fikrlar