Evropa CHempionlar Ligasi. Bugungi o'yinlar anonsi. Faktlar
18 avg 2015 12:38
Yangiliklar
Evropa CHempionlar Ligasi. Bugungi o'yinlar anonsi. Faktlar
"Manchester Yunayted" - "Bryugge"
MYUning belgiyalik futbolchilari Adnan Yanuzay va Maruan Fellaynilar bugun o'zlarining sobiq jamoalariga qarshi harakat qiladilar.
"Bryugge" esa Angliyada 11 marotaba mehmon bo'lgan bo'lsa ushbu o'yinlarning hech qaysisida g'alaba qozona olmagan - 2 durang, 9 mag'lubiyat.
"Lacio" - "Bayer"
"Lacio" ilk marotaba ECHLning pley-off bosqichida ishtirok etmoqda. Biroq, ular Evropa Ligasi o'yinlarining ushbu bosqichida uch marotaba muvaffaqiyat qozonishgan.
"Bayer"ning Italiyadagi ko'rsatkichi esa 1 yutuq, 3 durang, 3 mag'lubiyat. Leverkuzenliklar Rimda ikki marotaba durang qayd etishgan. SHulardan biri 2004 yilda "Roma" bilan 1:1, 1999 yilda esa ECHL guruh bosqichida "Lacio"ga qarshi o'yinda.
"Sporting" - CSKA Moskva
Ushbu jamoalar bungacha faqatgina bir marotaba to'qnash kelganlar. 2004/05 yilgi mavsumda moskvaliklar "Sporting" maydonida UEFA Kubogi finalida 3:1 hisobida g'alaba qozongandilar.
CSKAning ECHL saralashlaridagi mag'lubiyatsiz seriyasi 9 ta o'yindan beri davom etib kelmoqda. 5 g'alaba, 4 durang. Moskvaliklar bosh murabbiyi Leonid Sluckiyning fikricha, jamoalar o'rtasidagi imkoniyatlar teng.
BATE - "Partizan"
BATE uch marotaba ushbu bosqichda ishtirok etgan va bir marotaba ECHL guruh bosqichiga yo'llanma olishga muvaffaq bo'lgan.
Ushbu o'yin "Partizan" uchun ECHL/Evropa CHempionlari Kubogidagi 100 o'yin hisoblanadi.
"Astana" - APOEL
Qozog'iston va Kipr jamoalari evrokuboklarda ikkinchi marotaba to'qnash kelmoqdalar. 2003/04 yilgi mavsumda "Omoniya" saralash bosqichida "Irtish"ni mag'lubiyatga uchratib keyingi bosqichga chiqqandi.
Bungacha hech qaysi qozoq jamoasi pley-offning ushbu bosqichidan nariga o'ta olmagan. "SHaxtyor" 2013/14 yilda ECHLning ushbu bosqichida "Seltik"ka yutqazib qo'yib, Evropa Ligasining guruh bosqichiga yo'l olgandi.
Fikrlar