Rasman: "Navbahor" Abdurahmonov transferini elon qildi

Bu haqda klub matbuot xizmati xabar berdi.

"Tajribali yarim himoyachi Shohruh Abdurahmonov jamoamiz bilan shartnoma imzoladi. 

Shohruh Abdurahmonov – 1999 yil, 8 mart kuni Toshkent viloyatining Oqqo'rg'on shahrida tug'ilgan. 

Faoliyati davomida “Dinamo” (Samarqand, 2019-2021 yillar, 2022 yilning 2-davrasi), Belarusning “Energetik - BGU” (Minsk, 2022 yil), “Bunyodkor” (Toshkent, 2023 yil), “So'g'diyona” (Jizzax, 2024-2025 yillar) jamoalarida o'ynagan. 

Bundan tashqari, Shohruhbek Abdurahmonov 2019-yili O'zbekiston U-23 tarkibida 3 ta o'yinda maydonga tushib, 1 ta gol urgan. 

Yakunlangan mavsumda “So'g'diyona” tarkibida Superliga va O'zbekiston Kubogi bahslarida jami 17 ta o'yinda maydonga tushib, 931 daqiqa o'ynab, 2 ta gol urdi", – deyiladi xabarda.

Avvalroq "Eshitdik-da" rukni ostida uning "Navbahor"ga o'tganini malum qilgan edik.