"Barselona" Reshfordni to'liq sotib olishdan voz kechdi

Sport.es nashrining xabar berishicha, "ko'k-anorranglilar" bunday qarorni moliyaviy sabablar tufayli qabul qilgan — klubda futbolchini to'liq transfer qilish uchun mablag' yo'q.

O'z navbatida, MYU Reshfordni jamoaga qaytarishni rejalashtirmoqda. Yaqinda ingliz klubi bosh murabbiy Ruben Amorimni ishdan bo'shatdi, u futbolchining xizmatlariga qiziqish bildirmagan edi. MYU rahbariyatining fikricha, nomi hali elon qilinmagan yangi murabbiy qo'l ostida hujumchi yana asosiy tarkibdan o'rin olishi mumkin.

Markus Reshford 2025 yilning iyul oyidan beri ijara asosida "Barselona"da o'ynab kelmoqda. Angliyalik futbolchi joriy mavsum barcha musobaqalarda 25 o'yin o'tkazib, 7 ta gol urdi va 11 ta golli uzatmani amalga oshirdi.