Evropa chempionatlari tarixidagi ilk musobaqa qanday o'tgan? Unda nechta jamoa qatnashganini bilasizmi?
10 iyu 2021 15:55
Yangiliklar

Evropa chempionatlari tarixidagi ilk musobaqa qanday o'tgan? Unda nechta jamoa qatnashganini bilasizmi?

Teglar : Evro-1960

Evro-2020 turniri boshlanishiga oz fursatlar qolmoqda. Biz esa mazkur musobaqaga doir qiziqarli faktlarni berishda davom etamiz.

Futbol bo'yicha dastlabki Evropa chempionati (Evropa millatlari kubogi) - o'shanda Evropa terma jamoalari o'rtasidagi norasmiy chempionat sifatida tarixga kirgan. Turnirning final qismi 4 ta jamoa ishtirokida Franciyada bo'lib o'tgan. Parijdagi finalda Yugoslaviyani qo'shimcha vaqtlarda 2:1 hisobida mag'lub etgan Sobiq Ittifoq terma jamoasi ilk chempionga aylangan.

Ilk chempionatda 13 ta terma jamoa ishtirok etishni istamagan. Ular qatorida Angliya, Belgiya, Germaniya FR, Italiya, Gollandiya va SHveciya terma jamoalari bo'lgan. Buning sababi, ushbu terma jamoalar futbolchilari klub safida ko'plab o'yinlar o'tkazgandilar.

Ispaniyalik futbolchilar esa siyosiy sabablarga ko'ra chorak final bosqichida Sobiq Ittifoq hududiga borishni istamaganlar. SHu tariqa final bosqichiga Sobiq Ittifoq, Yugoslaviya, CHexoslovakiya va mezbon Franciya terma jamoalari yo'l olganlar.

Yarim finallarda Sobiq Ittifoq CHexoslovakiyani 3:0 hisobida mag'lub etgan. Yugoslaviya esa Franciyani qiyinchilik bilan 5:4 hisobida mag'lubiyatga uchratganlar.

Uchinchi o'rin uchun bahsda CHexoslovakiya charchagan Franciya ustidan 2:0 hisobida ustun kelgan.

Finalda esa Yugoslaviya avvaliga hisobni ochadi. Lekin, Sobiq Ittifoq terma jamoasining afsonaviy gruziyalik hujumchisi Slava Metreveli 49-daqiqada hisobni tenglashtiradi. Asosiy vaqt durang bilan yakunlanadi. Qo'shimcha vaqtda esa Viktor Ponedelnik o'yin yakunlanishiga 7 daqiqa qolganida gol kiritadi va terma jamoasini ushbu turnir tarixidagi ilk chempionga aylantiradi. Turnirning eng yaxshi futbolchisi sifatida Lev Yashin etirof etiladi.