Eshli Koul Angliya terma jamoasidagi faoliyatini yakunlaydi

33 yoshli futbolchi bunday qarorga JCH-2014ning yakuniy tarkibiga kirmaganidan keyin keldi.

"Menga Roy Xojson qo'ng'iroq qildi. Va biz yoshlarga yo'l berishga qaror qildik.

O'ylaymanki, hozir termadagi faoliyatimni yakunlashimning ayni pallasi. Bizda alo darajadagi murabbiy, ajoyib terma jamoa bor. Ularga faqat g'alaba tilayman. Muxlis sifatida qo'llab-quvvatlab turaman. Barchasi uchun raxmat", - deb yozadi futbolchi o'z tvitterida.

The Telegraph malumotlariga ko'ra, Koulning o'rniga Angliya terma jamoasi ro'yhatiga "Sautgempton"ning 18 yoshli futbolchisi Lyuk SHou kiritiladi.