Eshitdik-da: AGMKga qarshi o'yindan keyin Rahmatullaev "Andijon"dan ketadi

Bizga malum bo'lishicha, futbolchi jamoadan ketishga qaror qilgan. Biroq "Andijon" bosh murabbiyi Aleksandr Xomyakov Dilshod Rahmatullaevdan ikkinchi davradagi dastlabki ikki uchrashuvni o'tkazib berishni so'ragan.

Dilshod Rahmatullaev katta ehtimol 31 iyul kuni bo'lib o'tadigan AGMKga qarshi bahsdan keyin "Andijon"ni tark etadi.

Futbolchining bunday qarorga kelishiga nima sabab bo'lgani hozircha nomalum.

Eslatib o'tamiz, joriy mavsum avvalida Dilshod Rahmatullaev "Paxtakor"dan "Andijon"ga o'tgandi.

AGMK bilan uchrashuvdan Dilshod Rahmatullaev erkin agentga aylanadi. 

Qayd etish kerakki, Superligada yozgi transfer oynasi 5 avgustga qadar davom etadi. Dilshod Rahmatullaevning xizmatlariga esa vodiyning "Navbahor" hamda sobiq jamoasi "Nasaf" tomonidan qiziqish mavjud. Futbolchi "Andijon"dan ketganidan so'ng katta ehtimol mazkur jamoalardan biriga o'tishi mumkin.