Erkin Boydullaev "Qizilqum"ga o'tdi

Futbolchi ikkinchi davrani Navoiyning "Qizilqum" jamoasida boshlaydigan bo'ldi.

Aslida Erkin Boydullaev qishda ushbu jamoa safiga o'tishi mumkin edi. Ammo futbolchi "Nasaf"ni OCHLda yolg'izlatib qo'ymaslik maqsadida "Qizilqum" taklifiga ko'nmay turgandi. Biroq "Nasaf"dagi bazi munosabatlar tufayli Boydullaev "Qizilqum"ga o'tishga qaror qilgan. Tomonlar og'zaki kelishuvga erishishgan. Tez orada futbolchi "Qizilqum" azosiga aylanadi.

Eslatib o'tamiz, Erkin Boydullaev "Nasaf"ga 2010 yilning dekabr oyida kelib qo'shilgandi.
Anatoliy Demyanenko murabbiy davrida kelgan Boydullaev "Nasaf"da 6 yil o'ynadi va OFK kubogi, O'zbekiston kubogi, O'zbekiston superkubogi, O'zbekiston chempionatining kumush medali, bir necha bor bronza medallarini qo'lga kiritdi.