Emiliano Martines JCH-2022dagi g'alaba medalini himoya qilish uchun 20 ming funtga Belgiya ovcharkasini sotib oldi

Argentina terma jamoasi darvozaboni medalni himoya qilish uchun 20 ming funt sterlingga maxsus o'qitilgan Belgiya ovcharkasini sotib oldi.

Bunday itlar 30 kggacha bo'ladi. Buyuk Britaniya va AQSHdagi yuqori darajadagi harbiy qismlar ulardan ko'pincha jangovar maqsadlar uchun foydalanishadi.

Endilikda Elite Protection Dogs kompaniyasidan xarid qilingan Belgiya ovcharkasi Martinesning o'zi, rafiqasi, o'g'li va qizi yashaydigan uyni himoya qiladi. Bu kompaniya mijozlari orasida "Tottenxem" va Franciya terma jamoasi darvozaboni Ugo Loris, shuningdek "CHelsi" va Angliya terma jamoasi sobiq himoyachisi Eshli Koul va bokschi Tayson Fyuri bor.