FIFA kunlarida O'zbekiston terma jamoasi qaysi terma bilan o'ynashi mumkin? Alisher Nikimbaev versiyasi

Taniqli futbol mutaxassisi Alisher Nikimbaev "Fint Turaeva" podkastida O'zbekiston milliy terma jamoasi 2026 yilgi Jahon chempionatiga tayyorgarlik ko'rish uchun qaysi raqiblarni tanlashi mumkinligi haqida gapirdi.

"JCH-2026 ga tayyorgarlik ko'rishga juda oz vaqt qoldi. Tez orada CAFA Kubogi bo'lib o'tadi, keyin esa sentyabr oyida FIFA kunlari bo'ladi. Tushunishimcha, asosiy etibor Janubiy Amerika jamoalari bilan bo'ladigan o'yinlarga qaratiladi (avvalroq O'zbekiston milliy terma jamoasi noyabr oyida Urugvay bilan o'ynashi haqida xabar berilgandi – tahr.). Evropa jamoalari bilan ham o'ynash imkoniyati bor: 2026 yilgi Jahon chempionatiga UEFA saralashida toq sonli jamoalardan iborat bir nechta guruhlar mavjud bo'lib, ularning har biri FIFA kunlarida navbatma-navbat dam oladi. Kuzda qaysi jamoalar bo'sh bo'lishi mumkinligini allaqachon o'rganib chiqdim. Noyabr oyi uchun top jamoalar – Norvegiya va Chexiya. Ular katta ehtimol bilan 2026 yilgi mundialga boradi.

Afrika terma jamoalarini ham unutmaslik kerak. Noyabrga qadar ularning deyarli barchasi bo'sh bo'ladi – ularda faqat pley-off o'yinlari qoladi. O'FAning o'rnida bo'lganimda hozir shoshmagan bo'lardim, sentyabrgacha kutardim, chunki o'shanda kim bo'sh bo'lishi aniq bo'ladi. Misol qilib aytganda, bu Misr va Marokash bo'lishi mumkin. Shunday qilib, biz bir vaqtning o'zida turli konfederaciyalarning bir nechta jamoalari bilan o'ynash ehtimolimiz bor.

Jahon chempionati oldidan – iyun oyida ham FIFA kunlari bo'ladi. O'sha vaqtga qadar tarkib 90% malum bo'lishi kerak. O'shanda o'rtada katta tanlov bo'ladi – hamma sparring-sheriklar qidiradi. JCH-2026 guruh bosqichiga qura tashlanib, jamoalarning raqiblari malum bo'lib ulguradi. Ehtimol, kimdir Osiyodan raqib izlar. Aslida, bizda tarkibni shakllantirish va taktikani ishlab chiqish uchun to'rtta "oyna" bor: sentyabr, oktyabr, noyabr va mart oylaridagi FIFA kunlari.

JCH-2026ning o'ziga kelsak, O'zbekiston terma jamoasi, menimcha, albatta, guruhdan chiqish uchun kurashishi lozim. 48 ta jamoa, uchinchi o'rinlar ham pley-offga chiqadi. Katta ehtimol bilan biz to'rtinchi savatchada bo'lamiz, lekin uchinchi va to'rtinchi savatchalar orasida unchalik farq yo'q. Hammasi quraga bog'liq bo'ladi", – dedi Nikimbaev.

Alisher Nikimbaev ishtirokidagi "Fint Turaeva" podkastining to'liq versiyasini quyidagi havola orqali tomosha qilishingiz mumkin (rus tilida):