Elyor Orifov: ”G'alabadan boshqa natija bizni qoniqtirmaydi”

Ushbu o'yin oldidan Jizzaxliklar himoyachisi Elyor Orifov o'z fikrlarini bildirdi.

Toshkentda “ Bunyodkor ” jamoasiga qarshi o'yin haqida fikringiz?
- “Bunyodkor ” O'zbekistonning eng kuchli jamoalaridan biri. Menimcha ,biz yomon o'yin ko'rsatmadik. Birgina xatomiz sababli mag'lub bo'ldik. Juda ko'p vaziyatlardan foydalana olmadik.

- Malumki, 18- tur doirasida “So'g'diyona” jamoasi Namanganning “Navbahor” klubini qabul qiladi. Ushbu o'yin haqida fikrlaringiz?
- “Navbahor” juda yaxshi jamoa. Biz jamoamiz bilan yaxshi tayyorgarlik ko'rdik. Birinchi davrada durrang natija qayd etilgan. Ikkinchi  davrada albatta g'alaba uchun maydonga tushamiz. O'tgan turda  safarda ochko yo'qotdik. SHuning uchun ,3 ochko bizga suv va havodek zarur. G'alabadan boshqa natija bizni qoniqtirmaydi. SHu fursatdan foydalanib,bizni qo'llab-quvvatlayotgan muxlislarga rahmat aytmoqchiman. Har qanday vaziyatda ham bizni qo'llab turishadi. Bo'lajak o'yinda ham muxlislarimizning  ishonchini qozonishga harakat qilamiz.

Dildora Xolboeva suhbatlashdi