Eldor SHomurodov Parij Olimpiadasiga boradimi?
04 iyu 13:13
Yangiliklar

Eldor SHomurodov Parij Olimpiadasiga boradimi?

Hozirgi kunda ko'pchilikni qiziqtirayotgan savol Eldor SHomurodov va boshqa tajribali futbolchilarning Olimpiya o'yinlarida ishtirok etishi haqida bo'lmoqda.

Xabaringiz bor, futbol bo'yicha Olimpiada bahslari 24 iyuldan 10 avgustga qadar Franciyada bo'lib o'tadi.

O'zbekiston olimpiya terma jamoasi "C" guruhida Ispaniya, Misr hamda Dominikan Respublikasi termalariga qarshi o'ynaydi.

Ispaniya – O'zbekiston
24 iyul, Parij
O'zbekiston - Misr
27 iyul, Nant
Dominikan Respublikasi – O'zbekiston
30 iyul, Parij

Musobaqa reglamentiga ko'ra, har bir terma jamoada 23 yoshgacha bo'lgan 18 nafar futbolchi bo'lishi kerak. Terma jamoalar o'z xohishiga binoan 18 kishilik ro'yxatga 3 nafargacha yoshi katta futbolchini qo'shib olishlari mumkin.

Championat.asia sayti malumotlariga ko'ra, ayni paytda O'zbekiston olimpiya terma jamoasining rasmiy madhiyasi – Konsta ijrosidagi "O'zbekistonlik" qo'shig'iga klip suratga olinmoqda. Jarayonda Timur Karadze shogirdlari hamda O'zbekiston MTJ sardori Eldor SHomurodov ham ishtirok etmoqda. Demak, katta ehtimol bilan Eldor SHomurodov terma bilan birgalikda Parij Olimpiadasiga yo'l oladi.

Avvalroq SHomurodov Olimpiada haqidagi savolga javob berarkan, u uchun vatan shanini himoya qilish sharaf ekanligini takidlagan edi.

Havola :

Manba : Championat.asia

Yangiliklarni Telegramda o'qing!

Reyting: +43