So’nggi yangiliklar

01:44Жезуш Роналду ҳақида: "Унинг таклифи туфайли "Ал Насср"даман"  0 00:48Тер Штеген ғазабда, клубдагилар уни кетади деб ўйлашяпти, аммо...  6 00:30"Андижон" Валижон Раҳимов билан хайрлашди  1 23:43"Ал Ҳилол" собиқ устози энди "Ал Насср"ни бошқаради  0 23:17"Ньюкасл" "Айнтрахт" ҳужумчиси учун 70 млн. евро таклиф қилди  1 22:34Испания ҳукумати Ямалнинг туғилган кун байрамида карлик касаллиги бор одамларнинг ишга ёлланганини текширишни сўради  4 22:04КЖЧдан сўнг "Олтин тўп" учун ким асосий даъвогар?  64 19:54Грилишнинг янги манзили Туркия бўлиши мумкин  1 19:27Расман: Кенжабоев "Қизилқум"га қайтди  7 19:11"Бавария" вингери "Барса"га ўтиши мумкин – музокаралар давом этмоқда  0 18:44"Реал" суперюлдузи Мбаппе туфайли клуб билан битимни узайтиришдан бош тортди  10 18:18Инсайдер "Арсенал"ни бир қатор футболчилар тарк этишини маълум қилди  1 17:51"Реал" ва "Ливерпуль" кутилмаган алмашувни режалаштирмоқда  6 17:20"Ливерпуль" Украина терма жамоасининг энг яхши футболчиси трансферига кўз тикди  1 16:51Хаби Алонсо: "Реал" футболчисидан буни умуман кутмагандим"  6

Eldor Moyliev: "2003-2004 yilda tug'ilgan futbolchini yosh ham deb bo'lmaydi" Yangiliklar

Eldor Moyliev: "2003-2004 yilda tug'ilgan futbolchini yosh ham deb bo'lmaydi"

O'zbekiston Kubogi chorak finalidan o'rin olgan "Sho'rtan" - "Aral" uchrashuvidan so'ng mezbonlar ustozi Eldor Moyliev fikrlarini bildirib o'tdi.

"Aral" jamoasini kurashuvchan futbol ko'rsatishini bilar edik. Dastlabki 15-20 daqiqalik tengkurashlar ostida o'tdi. Gol urib olganimizdan so'ng to'p bilan va to'psiz o'yinni nazorat qildik",- deydi Eldor Moyliev.

- Shahboz Nuriddinov ikkinchi bo'limda maydonga tushdi. Uning harakatlarini qanday baholaysiz?

- Shahboz kelajagi porloq futbolchi, hozirda jismoniy holatida biroz muammo bor. Murabbiylar bergan yuklamalar bilan individual shug'ullanmoqda. U asosiy tarkibga raqobat qila oladigan futbolchi. Chidamliligi biroz pand berayotganini aytmaganda bugun ham raqibga ancha qiyinchilik tug'dirdi.

- "Sho'rtan" bugun to'pga harakat va yakkakurashlarda qanday harakat qildi deb o'ylaysiz?

- To'rt kundan so'ng "Surxon"ga qarshi yana o'yinimiz bor. Shu bois to'psiz o'yinni nazorat qildik, to'p jamoamizda bo'lganida ham nazorat qildik. Albatta, xato va kamchiliklarimiz bor. Futbol xatolarsiz bo'lmaydi. 

- Siz kelganingizdan so'ng "Sho'rtan"da natijalar ko'rina boshladi. Siz hozir ham vaqtinchalik murabbiy maqomidamisiz? Bu davom etadimi?

- Ha, vaqtinchalik murabbiyman. Qolganini rahbariyat hal qiladi. 

- Ko'p intervyularingizda rahbariyat yoshlarga etibor berayotganini aytgansiz. Bundan kelib chiqqanda davralar oralig'ida katta o'zgarish bo'lmaydi?

- O'zimizga kerakli hujumchini ko'z ostimizga olib qo'yganmiz. Shu bilan birga yoshlarimiz ham bor, o'ynatamiz. Boshqa poziciyalarga tajribali futbolchilar kerak bo'lsa, ko'rib chiqamiz. Bu jarayonda hali. Markaziy himoyaga ham futbolchi olishni o'ylab turibmiz. Iqtidorli yoshlarimizni ikkinchi davrada taklif qilamiz. 

- Ushbu tarkibga ikki nafar tajribali futbolchini qo'shgan holda Superligada qolsa bo'ladimi?

- Superligada saqlab qolsa bo'ladi albatta. Hozirgi yigitlar ham iqtidorli. Etibor bersangiz, yoshligida turli terma jamoalarda o'ynashgan. Fikrlash qobiliyati kuchli. 3-4 nafar hujumni yakunlovchi futbolchi olsak uddalash mumkin. 2003-2004 yilda tug'ilgan futbolchilarni yosh ham deb bo'lmaydi. 

- "Aral" principial raqib hisoblanadi. Nima deb o'ylaysiz, "Sho'rtan" Superligada kuchayishga erishdimi?

- O'tgan yilgi o'yinlarni kuzatganim yo'q. Baribir Superliga va Pro liga darajasida farq bor. Mavsum boshida Superligada o'ynagan futbolchilarni jalb qilganmiz. Balki shuning uchundir.

Reyting: +3   

Fikrlar

championat.asia
< so’nggi yangiliklarni ko’rish
Яндекс.Метрика