Eldor Adhamov: "Berdiev va Polvonov jamoaga foyda keltiradi"

"To'g'risi, o'yin to'liq jamoamiz nazoratida o'tdi. Ko'plab vaziyatlarga ega bo'ldik, biroq omadimiz kelmadi. Asosiysi, muhim bo'lgan uch ochkoni qo'lga kiritdik.

Superligaga chiqish imkoniyatimiz o'z qo'limizda. Oldinda turgan bellashuvlarda ijobiy natijalar qayd etsak, ishonamanki, biz vazifani bajara olamiz. Asosiysi, har bir o'yinda g'alaba qozonib borishimiz lozim. 

Tarkibga kelib qo'shilgan Suhrob Berdiev va Zafar Polvonovni anchadan beri bilaman. Ikkisi ham tajribali va yaxshi futbolchilar. Ular "G'ijduvon" bilan bellashuvda jamoaga ancha asqatdi. Ishonamanki, ikkisi ham jamoaga foyda keltiradi", – dedi darvozabon.