Edgar Gess: "Qiyin o'yinlar ortda qoldi, endi g'alabalar boshlanadi"

- Yigitlar, shoshib turibmiz, shu bois meni ko'p ushlab qolmaysizlar degan umiddaman - deya gap boshladi Edgar Yakovlevich. - O'yin juda qiziqarli bo'ldi, mening nazarimda. Ikkinchi taymda biz ustunlik qildik. Hisobni tenglashtirishga ham muvaffaq bo'lgandik. Biroq uni saqlab qolishga kuchimiz etmadi. Yo'ldagi toliqish, biroz asabbuzarliklar ham yigitlarning kayfiyatiga tasir ko'rsatdi shekilli (Izoh: “Buxoro” FK avtobusi tasmasi uzulganligi bois biroz ushlanib qolgan).

- O'zlaringiz shohidi bo'ldingiz, o'yinimiz yomon emas. To'pni nazoratda ushlab turibmiz. Raqib darvozasiga gol urayapmiz. Biroz omad etishmayapti. Futbolchilarning jismoniy tayyorgarligidan nolimayman. Faqat ikkinchi davra boshida to'rtta qiyin o'yin bor edi, shukur, ular ortda qoldi. Endi g'alabalarimiz boshlanishi kerak.autsayderlar safida borayotgan asosiy raqiblarimizdan to'laqonli ochkolarni ola bilsak, marra bizniki. Natijadan tashqari chiroyli o'yin ko'rsatishni ham unutmaymiz - deydi Gess.