Diyor Imomxo'jaev: "Xavotir Abramov tayinlanganda boshlangandi"
21 iyu 2021 23:57
Yangiliklar
![](https://championat.asia/upload/storage/644127_original.jpg)
![](/upload/storage/644127_220.jpg)
Diyor Imomxo'jaev: "Xavotir Abramov tayinlanganda boshlangandi"
U boshlovchining "O'zbekiston terma jamoasining keyingi bosqichga chiqolmasligini oldindan bilganmidingiz?" qabilida berilgan savoliga shunday javob qaytardi:
— Yashirmayman, Taxmin qilganman. Oldindan bilish imkonsiz, chunki 1 daqiqadan keyin nima bo'lishini ham bilmaymiz. Ichki xavotir bor edi. Bu Abramov tayinlangan kunda boshlangan. SHu tufayli men uchun hech narsa kutilmagan bo'lmadi.
— Xorijlik murabbiyni ketkazib, o'rniga mahalliy mutaxassisni olib kelish to'g'ri edimi?
— Yo'q. Ko'pchilik bizga hujumkor futbol yarashishini aytadi. Zo'r, bu menga ham yoqadi. Misol uchun, kecha bokschimiz B. Meliqo'ziev hujumkor boks ko'rsatdi va bitta zarba tufayli nokautga uchradi. Futbol ham shunaqa: urishni bilgan odam kaltak eyishni ham bilishi kerak. Saudiya Arabistoni 2 ta o'yinda ham Kuperning falsafasi to'g'riligini ko'rsatdi. Toshkentda ham, Ar-Riyodda ham 3 tadan gol urdi. Faqat oldingi chiziq vakillari bilan ish bitmasligini barcha biladi. Ektor ishni himoyani qurishdan boshlagandi. U bilardi mudofaamiz "avariya" holatidaligini.
Biz JCH saralashidagi raqiblarimiz Koreya, Avstraliya, Yaponiya, Eron bilan hujumkor o'ynay olamizmi? Yo'q. Masalan, Koreyaning etakchilari APLda, Bundesligada o'ynaydi. Bizning futbolchilar esa Janubiy Koreyaning 2-divizionida. Biz ular bilan qanday qilib hujumkor o'ynashimiz mumkin? Buning uchun himoyani unutmasligimiz kerak edi. A, Abramov esa himoyalanishni bilmaydigan murabbiy. U buni bir necha bor isbotlagan: 2 martalab olimpiadadan mosuvo qilganida, 5-6 talab gollar o'tkazganida... Men shaxs sifatida ham, murabbiy sifatida ham unga ishonmaganman, ishonmayman ham.
O’xshash yangiliklar
![AMP Logo](https://championat.asia/image/logo-amp.png)
Fikrlar