Dilshod Xaydarqulov: "Kuchli jamoalarga qarshi qarshi hujumda o'ynashga majburmiz"

Uchinchi kunning birinchi o'yinida o'ziga xos sensaciya qayd etildi. Autsayderlar qatorida borayotgan "Nafis" etakchilardan biri bo'lgan "Ardus" bilan durang o'ynadi (1:1). O'yindan so'ng samarqandliklar bosh murabbiyi Dilshod Xaydarqulov fikrlari bilan o'rtoqlashdi.

"Bugungi o'yin natijasidan to'liq qoniqdim. Sababi, "Ardus" juda kuchli jamoa, bizni o'yinchilar esa yosh va tajribasiz. Turnir jadvalida egallab turgan o'rnimizdan kelib chiqsak, bizga ham ochko zarur edi. Hisobda oldinga chiqib olganimizdan keyin yigitlar ozgina bo'shashishdi va buning uchun jazolandik.

Bunday jamoalarga qarshi himoyadan o'ynashga majburmiz. Avvalo himoyani mustahkam ushlab qarshi hujumda to'p surdik. Mavsum oldidan tarkibimizdagi to'rt nafar futzalchi aynan "Ardus"ga o'tgan edi. Ularning ketishi tarkibimizni biroz kuchsizlantirdi, lekin boshqa yigitlar ham bor va ular o'zlarini ko'rsatishmoqda. O'ylaymanki, 2-3 yildan keyin jamoamiz chempionatda sovrinli o'rinlar uchun kurash olib boradi", - deydi Dilshod Xaydarqulov.