Dilshod Hamroev: "Senegalga qarshi o'yinga tayyorgarlik boshlangan"

- Kechagi o'yinda jamoa yigitlari bir-birini tushunib o'ynaganliklari, shiddatkor tempda harakat qilganliklari bois muvaffaqiyat qozondik deb o'ylayman. Himoyada ham, markazda ham, hujumda ham hamma jonini berib o'ynadi. Har bir vaziyatning o'z qiyinchiligi bor lekin Avstriya bilan o'yinda menga deyarli og'irlik tushmadi, desam ham bo'ladi. Buning uchun, albatta, himoyachilarimizga raxmat aytsa arziydi. Ular o'z vaqtida uyushqoqlik bilan harakatlana olishdi.

CHorak finaldagi raqibimiz o'yinlarini kuzatdik. Vaqtni boy bermasdan tayyorgarliklarni ham boshlaganmiz. Senegal bilan to'qnashuv bizning g'alabamizni taminlashi uchun astoyidil harakat qilamiz. O'zimizdagi ishonch va g'ayrat bilan, xalqimiz mehrini, duolarini qalban his etib maydonga tushamiz.


Gulshan Sadullaeva yozib oldi