Dilmurod Karimov: "Biz g'alabaga haqli edik"
27 iyu 2016 13:30
Yangiliklar
![](https://championat.asia/upload/storage/213311_original.jpg)
![](/upload/storage/213311_220.jpg)
Dilmurod Karimov: "Biz g'alabaga haqli edik"
- Jamoamizda yaxshi bir xususiyat shakllangan. Biz doimo kuchli jamoalarga qarshi kuchli tayyorgarlik ko'ra olamiz. O'yindan oldin murabbiylarimiz bizni qiyin o'yinga ham jismonan, ham ruhan tayyorlay oldi deb o'ylayman. Biroq o'yinning ilk daqiqasidanoq gol kiritib, ustunlikka erishishni o'ylamagandik. Hammasi biz uchun muvaffaqyaitli boshlandi. Birinchi hujumdayoq jarima maydonida to'pni sheriklarimdan qabul qilib olganimda menda ham zarba berish imkoniyati bor edi. Lekin, chaproqda Zohidning ochilayotganligini ko'rdim va darhol to'pni unga uzatdim. To'purarimiz vaziyatdan unumli foydalanib, barchamizga ko'tarinki kayfiyatni taqdim etdi. 27-daqiqada Murod Toshmatov jarima maydoni yaqinida standart vaziyat ishladi. Jarima to'pini jonli devorni aylantirib, darvoza tomon yo'lladim. Ignatiy zarba yo'nalishini topolmay qoldi. Afsuski, biz g'alabaga haqli edik. Faqatgina o'yin davomida yuzaga kelganim qiyinchiliklar tufayli muhim uch ochkodan mahrum bo'ldik. Birinchi taymning o'zidayoq markazda Jahongir Abdumo'minov salomatligi bois maydonni tark etdi. Doniyor Odilovga “Nasaf” bilan o'yinda olingan jarohat to'liq kuch bilan o'ynashiga xalaqit beryapti. Maydonga tushgan yosh o'yinchilarimizda esa kuchli, peshqadam jamoalarga qarshi o'yin tajribasining kamligi pand berdi. Markazni qo'lga olgan “Lokomotiv” mag'lubiyatdan qutilib qoldi. Oldinda, “Neftchi”ga qarshi yana bitta murakkab o'yin bizni kutib turibdi. Birinchi davrani yuqori notalarda tugatishni o'ylayapmiz, deydi Dilmurod Karimov.
O’xshash yangiliklar
![AMP Logo](https://championat.asia/image/logo-amp.png)
Fikrlar