Denis Korostichenko Proligaga tushib ketish, jamoaga etishmagan jihatlar va "Olimpik"ning kelajagi haqida gapirdi

"Birinchi bo'limda o'yinimiz chiqmadi, ikkinchi bo'limda agressivroq harakat qildik, birinchi taymdagiga qaraganda o'yinimiz yaxshiroq chiqdi. Lekin baribir hisobni tenglashtira olmadik. 

Ilk navbatda murabbiylar shtabiga, yigitlarga rahmat aytaman. Ular jamoani Superligada saqlab qolish uchun qo'llaridan kelganicha harakat qilishdi. Afsuski bu bizga etarli bo'lmadi. Yigitlarga bajarilgan ish uchun rahmat aytaman, bu oson bo'lgani yo'q. O'yin oxirida biroz kuchimiz etmadi. Albatta barchasini ertaroq hal qilib olishimiz mumkin edi. Lekin...

-Bir necha tur oldin ham "Olimpik" Proligaga tushib ketish uchun asosiy "davogar" emasdi. Boshqa jamoalarga nisbatan imkoniyatlar yaxshiroq edi...

- Bu haqida aytib o'tdim. Menimcha bizga kuch etmadi. Yigitlar barcha o'yinda harakat qilishdi, kurashishdi. Oxirida ruxiy va jismoniy tomonlama kuchimiz etishmadi. 2-3 ochko bizga etardi. Bunga kuchimiz etmadi. SHuningdek tarkibda rotaciya borasida ham muammolar bo'ldi. Oxiriga kelib bizda kasal bo'lganlar, jarohatlar, qizil kartochkalar ko'payib ketdi...

-Oxirgi o'yinlarda "Olimpik"ka nisbatan adolatsiz hakamliklar bo'lgandek ko'rindi. Xuddi jamoani atayin Proligaga tushirib yuborishga harakat qilinganidek. Bu haqida nima deya olasiz?

-Men bunga ishonmayman, ishonmoqchi ham emasman. So'nggi o'yinlardagi hakamlik borasida gapirsam, menda savollar paydo bo'ldi. Bu haqida gapirmagandim, barchasini ichimda qoldirgandim. "SHo'rtan" bilan o'yinda hakam ikkita penalti belgilamadi. CHempionat o'yinlarida esa, "Bunyodkor" bilan o'yinda hakam raqib futbolchisini chetlatmay, qo'pol xatoga yo'l qo'ydi. Takroriy vaziyatni ko'rib, bunday harakatdan so'ng futbolchimiz umuman futbolchilik faoliyatini yakunlashi ham mumkinligiga amin bo'ldim. SHunchaki mo'jiza tufayli, u sog'-salomat qoldi. 

- "Olimpik"ning kelajagi haqida nima deya olasiz? Agar jamoa Superligadan tushib ketsa, jamoa yopilishi haqida gap-so'zlar paydo bo'lgandi.

-Bizda Superligada qolish vazifasi bor edi. Rahbariyat oldimizga Superligada qolishni vazifa qilib qo'ygandi. Boshqacha holatlar haqida menga xech kim gapirmadi. 

-"Olimpik"ka Superligada qolish uchun etishmagan uchta narsani ayta olasizmi?

-Birinchi navbatda, menimcha zaxira o'rindig'ining torligi. Ruxiy bosim va mavsum oxiridagi jismoniy charchoq. 

-Buni faoliyatingizdagi eng alamli va og'ir mavsum desak bo'ladimi? 

-Hozircha ha. CHunki men Superligada ishlayotganimga ko'p bo'lmadi. Mavsum og'ir va bosim ostida o'tdi. Men ruxiy va jismoniy charchoqni his qildim.