Davron Tursunov: “Yangi yilni uyda oilam davrasida kutib olmoqchiman”

28 yoshli futbolchi yangi yil bayrami munosabati bilan yurtdoshlarimizni samimiy qutladi.

- Avvalambor kelayotgan yangi yil bilan xalqimizni samimiy muborakbod etaman. Ilohm yurtimiz tinchligiga ko'z tegmasin. Osmonimiz hamisha musaffo bo'lsin. Yurtboshimiz omon bo'lsin. 2016 yil yurtdoshlarimiz uchun omadli kelishini istardim.

- Ortda qolayotgan 2015 yil ham yana bir necha soatlardan so'ng tarix zarvaraqlaridan o'rin oladi. Albatta yakuniga etib borayotgan yil omadli kechdi deya olaman. Futbolchilik faoliyatimdan ham qoniqish xosil qildim. Har xolda “Andijon”ni kuchlilar safida olib qolishga erishdik. Bunga jamoadagi yigitlarning ahilligi va o'z kuchi bilan erishganini takidlab o'tmoqchiman. Elitada qolganimizdan asosiysi mahalliy ishqibozlar xursand bo'ldi. Eng muhimi ham shudir.

- Ko'pincha yangi yil bayramini oilam davrasida nishonlayman. Ota onam va oilam bilan o'tkazishni xush ko'raman. 2016 yilni ham uyda kutib olish niyatidaman. Bayram bayramdek bo'lsin deya, o'g'lim bilan uyda archa yasab, turli xil o'yinchoqlar bilan bezadik.

Islombek Rustambekov.