So’nggi yangiliklar

12:17"Тоттенхэм" медиа олами вакилларидан уларни "Тоттенхэм Хотспер" ёки "шпорлар" деб аташини сўради  0 10:57Баҳодир Қурбонов: "Биринчи қадамни футболни рақамлаштиришдан бошлаймиз"  4 10:50Футбол тарихидаги энг яхши ўнг қанот ҳимоячилар рейтинги тузилди (Топ-15)  14 10:21Расман: Баҳодир Қурбонов — Ўзбекистон футбол Ассоциацияси янги президенти  11 10:18«Нефтчи» мухлисларга қулайлик яратиш учун йиллик абонемент сотувини бошлади  7 09:50Гвардиола ҳимоячиларининг жароҳати ҳақида фикр билдирди  7 09:13Ислом Исмоилов: «Мақсадимиз ҳар бир футболчимизни Осиё кубогига оптимал ҳолатда тайёрлаш»  4 08:46Довбикнинг жароҳати ҳақида маълумот берилди  7 08:18Саудия клублардан бири Винисиус Жуниор трансфери бўйича аниқ сумма таклиф қилди  12 07:55«Челси» А Серия футболчиси учун 80 миллион евро тўлашга тайёр  2 07:29АПЛ. 26-турнинг илк баҳсида йирик ҳисоб қайд этилди  1 01:30"Goal" ЕЧЛ учун асосий даъвогарлар рейтингини тузди  11 00:45Салоҳ ўзини Холанд билан солиштирди  11 00:15Саудия Арабистони. Вийналдумнинг дубли "Ал Насср"ни мағлуб қилди  31 23:45ЕЧЛ. Нимчорак финал тақвими маълум қилинди  8

Davron Fayziev: "O'yin haqida gapirishdan oldin aytmoqchi bo'lgan fikrlarim bor edi" Yangiliklar

Davron Fayziev: "O'yin haqida gapirishdan oldin aytmoqchi bo'lgan fikrlarim bor edi"

Coca Cola Superligasi 16-turidan o'rin olgan "Qo'qon-1912" – "Navbahor" (1:1) uchrashuvidan keyin qo'qonliklar ustozi Davron Fayziev fikrlari bilan o'rtoqlashdi.

- O'yin haqida

- O'yin haqida gapirishdan oldin aytmoqchi bo'lgan ozgina fikrlarim bor edi. Men bugungi muhit, ikkala jamoa uchun ham yaratib berilgan sharoit uchun "Turon" klubi rahbariyatiga va klub tizimida mehnat qilayotgan barcha ishchi-xodimlariga minnatdorchilik bildiraman. Bugungi o'yindan oldin ham, uchrashuv vaqtida ham muxlislarimiz bizga ishonib, qo'llab-quvvatlashdi. Ularga jamoamiz nomidan rahmat aytaman. Bundan keyin ham bizga ishonishda davom etishlarini so'rab qolaman. 

Bugun haqiqiy derbiga xos o'yin bo'ldi. Ikki jamoa muxlislari ham juda zo'r olqishlab turishdi. Ikkinchi derbida ham ko'rib turganingizdek, yana muxlislar g'alaba qozonishdi. Bugungi o'yinda ikki jamoaga ham ochko juda zarur edi. Bu – futbol, biz g'alaba uchun harakat qilamiz. Bugun yigitlar ko'rsatgan o'yindan qoniqish hosil qildim, etirozim yo'q. Jarohatlar sabab tayyorlagan rejamiz ozroq o'zgardi. Keyingi o'yinlarda ham oxirigacha kurashamiz. Turnir jadvalida egallab turgan o'rnimiz bizga munosib emas. Yigitlar bundan ortig'iga loyiq. Ishlashda davom etamiz.

- Ilhomjon Vahobov ko'rsatgan o'yin haqida nimalarni ayta olasiz?

- Futbolchiga ko'proq muxlislar baho berishadi. Biz murabbiylar qaysi futbolchini qachon maydonga tushirishni vaziyatdan kelib chiqib hal qilamiz. Men hozir kimnidir maqtamoqchi emasman, ishlash lozim bo'lgan xato va kamchiliklarimiz bor. Zaxirada qolib ketayotgan futbolchilarga ham imkon beryapmiz. Mashg'ulotlarda o'zini ko'rsatsa, maydonga tushiryapmiz. Qolgani futbolchining o'ziga bog'liq. CHiqib o'ynaydi, harakat qilsa, natija ko'rsatadi. SHiddatli o'yin bo'ldi. 

Jamoani qabul qilib olganimdan so'ng 3 ta o'yin, 3 ta durang natija bo'ldi. Menga qolsa, uning o'rniga 2 ta g'alaba va 1 ta mag'lubiyatni afzal deb bilardim. Murabbiy natija ko'rsata olsa, jamoada qoladi, aks xolda, o'rnini bo'shatib berishga majbur.

- "Navbahor" bu o'yinga peshqadam sifatida etib kelgandi. Bugun 1 ochko oldingizmi yoki 2 ochko yo'qotdingizmi?

- Bilmadim, o'zim uchun aytsam, men natijadan qoniqqanim yo'q. Bu haqda o'tgan o'yindagi durangdan keyin ham aytgandim. Oxirgi uzatma va yakunlovchi zarbalarda kamchiliklarimiz bor. Peshqadam turdan turga o'zgarib turibdi. "Navbahor"dan kam joyimiz yo'qligini ko'ryapman. Murabbiy sifatida natijadan qoniqqanim yo'q, bugun g'alaba uchun maydonga chiqqandik.

- Bugungi o'yinda Jamshid Hasanov doimiy poziciyasida o'ynamadi. Bunga nima sabab bo'ldi?

- Jamshid Hasanov oldin ham o'ng qanot himoyasida o'ynagan. Biz uni aynan "Navbahor" bilan o'yin uchun poziciyasini o'zgartirganimiz yo'q. Bugun Avazxon Mamatxo'jaev bir oz betob edi, shamollagan. SHu sabab uning o'rnida Jamshid Hasanov o'ynadi. Bunda hech qanday muammo yo'q.

"Navbahor"da ko'proq etibor Jamshid Iskanderovga bo'ldi. Uni to'liq yopganimizda bizga yanada oson bo'lardi. Futbolchi universal bo'lishi kerak.

Reyting: +25   

Fikrlar

championat.asia
< so’nggi yangiliklarni ko’rish
Яндекс.Метрика