Davron Fayziev: "Mag'lubiyatga murabbiy javob beradi"

– Men birinchi navbatda bugun stadionni to'ldirib o'tirgan muxlislarga rahmat aytmoqchiman. Jamoamiz bugun ko'rsatgan o'yini uchun uzr so'rayman. Agar o'tgan turdagi “Qizilqum” jamoasi bilan bugungi o'yinni solishtiradigan bo'lsak er bilan osmoncha farqa bor. Men qo'rqqan narsa bugun sodir bo'ldi. “Qizilqum” jamoasi ustidan qozonilgan yirik g'alabadan keyin yigitlarda ortiqcha ishonch payda bo'ldi va men buni raqibga nisbatan hurmatsizlik deb bilaman. “SHo'rtan” jamoasi bugun bizni mahorat bobida engdi. Garchi mag'lubiyatga uchragan bo'lsakda, so'nggi soniyalargacha kurash olib bordik va ortga qaytish bo'lmadi. Birinchi bo'limda shogirdlari ko'rsatmalarimni to'g'ri bajarib borishdi. Ikkinchi bo'limda esa, buning aksi. Ikkita standart vaziyat va ikkita gol. Bugungi o'yin qaysi hatolarimiz ustida ish olib borishimizni ko'rsatib berdi. Mag'lubiyatga murabbiy javob beradi. Balki o'yindagi o'zgartirishlarda hato qilgandirman. Futbolda bir qoida bor: Yutgan tarkibga kamdan kam holatlarda o'zgartirishlar kiritilishi mumkin.

– Bundan keyingi har bir o'yinda biz ohirgi o'yindek maydonga tushamiz va ohirigacha kurash olib boramaiz. O'ylaymanki qilayotgan mehnatlarimiz albatta o'z samarasini beradi.