Dastlabki jiddiy o'yin

"Yangi murabbiylar shtabining ishiga xulosa beradigan dastlabki uchrashuv.

Xavfsirayotgan nuqta: Markaziy himoya.

Ko'ngil to'q nuqtamiz: Qanot va hujum.

Doim barqaror va tanlov keng nuqta: Yarim himoya.

O'yin ahamiyat jihatdan Saudiya Arabistoni uchun nisbatan muhimroq va bu raqibga qo'shimcha bosim beradi. Aynan shundan va uydagi “devorlarimiz” — muxlislar ko'magidan maksimal foydalanish lozim.

Bugungi g'alaba guruhdagi vaziyatni biz uchun keskin yumshatadi.

Raqibda o'yin sifati Osiyo Kubogiga nisbatan tushgan. Bizda esa aksincha, o'sish kuzatilgan.

Saudiyaning mudofaa chizig'ida muammolar etarli. Biz esa faqat qanot orqali hujumni keskinlashtiryapmiz. Agarda raqib bu “nuqtamiz”ni zararsizlantirsa, unda markaz orqali yo'l izlashga to'g'ri keladi. Markazdan hujum tashkil etishda esa hozircha maqtana olmaymiz.

Saudiya Arabistoni terma jamoasini yutishga bo'lgan immunitet avvaldan shakllangan va bu jamoani qanday yutishni bilamiz. SHu boisdan ham ortiqcha havotir yo'q.

Havo sovuq, lekin O'zbekiston termasiga dalda bo'lish va milliy jamoamizni qo'llab-quvvatlash uchun stadionni to'ldirish lozim.

Olg'a va omad, O'zbekiston!", - deb yozadi SHahboz Beg'amov telegramdagi o'z kanalida.