Coca Cola Superliga. 25-tur prevyusi

Coca Cola Superliga. 25-tur
BUXORO – MASH'AL
29 noyabr 2020 yil. Qarshi. "Markaziy" stadioni. 14:00 (SPORT TV LIVE)
Hakamlar: Akobirxo'ja SHukurullaev, Bektursin Kannazarov, Jalg'asbay Sarsenov, Rustam CHoriev
Nazoratchi: Andrey Tambovcev
Komissar: Aleksandr Davidenko

Superliganing so'nggi pog'onasida borayotgan "Buxoro" Qarshidagi "Markaziy" stadioni "Mashal"ni qabul qiladi.

Bu klublar hozirga qadar O'zbekiston chempionatida 33 marta to'qnash kelishgan. Ustunlik "Mashal" tomonida. Muborak klubi 15 marta g'olib bo'lgan, 7ta o'yinda "Buxoro" zafar quchgan, 11 marta durang qayd etilgan. O'zaro o'yinlarda "Mashal" 49ta, "Buxoro" 33ta gol urgan. Bu jamoalar o'rtasidagi oxirgi 5ta o'yinda "Buxoro" g'alaba qozona olmayapti - 2ta durang, 3ta mag'lubiyat.

Birinchi davrada "Mashal" 1:0 hisobida g'alaba qozongandi.

METALLURG – SURXON
29 noyabr 2020 yil. Bekobod. "Metallurg" stadioni. 14:00
Hakamlar: Rustam Lutfullin, Timur Galeev, Aleksandr Sidorov, G'ayrat Jo'raev
Nazoratchi: Bobur Haydarov
Komissar: Ramil Ilyasov

Ligada qolish uchun kurash olib borayotgan "Surxon" Bekobodda "Metallurg" mehmoni bo'ladi.

Bu klublar hozirgacha 17 bor to'qnash kelishgan. "Metallurg" 8 marta g'alaba qozongan, 2 bor "Surxon" g'olib bo'lgan. Qolgan 7ta uchrashuvda durang qayd etilgan. O'zaro o'yinlarda "Metallurg" 22ta gol urgan va 15ta gol o'tkazgan.

"Surxon" Bekobodda hech qachon g'alaba qozonmagan - 1ta durang, 7ta mag'lubiyat. So'nggi bor Termiz klubi 2004 yilda o'z maydonida "Metallurg"ni mag'lub etgan.

Dastlabki davrada "Metallurg" 2:1 hisobida g'alabaga erishgandi.

ANDIJON – QO'QON-1912
29 noyabr 2020 yil. Andijon. "Sog'lom Avlod" stadioni. 14:00
Hakamlar: Vadim Agishev, Ruslan Serazitdinov, Aleksandr Burov, Davronbek Akmalov
Nazoratchi: Igor Nexochin
Komissar: SHohruh Said

CHempionatda jon saqlab qolish uchun harakat qilayotgan "Andijon" vodiy derbisi doirasida "Qo'qon-1912"ni qabul qiladi.

SHu kungacha bu jamoalar 25 bor to'qnash kelishgan. Ikkala jamoa ham 9 martadan g'alabaga erishgan, yana 7ta bahsda durang qayd etilgan. O'zaro o'yinlarda "Andijon" 43ta to'p kiritgan va 37ta gol o'tkazgan.

Birinchi davrada "Qo'qon-1912" 2:1 hisobida g'alaba qozongan.

SO'G'DIYONA – QIZILQUM
29 noyabr 2020 yil. Jizzax. "So'g'diyona" stadioni. 14:00
Hakamlar: Rahimbek Karimov, Daler Tilloev, Otabek Qosimov, To'rabek Suyunov
Nazoratchi: Oleg Dachev
Komissar: Muhammad Sodiq Sodiq-Oxunov

Bu jamoalar hozirga qadar o'zaro 35ta o'yin o'tkazishgan. Ustunlik "Qizilqum" tomonida. Navoiy klubi 16 bor g'olib bo'lgan, 8 marta "So'g'diyona" 3 ochkoga ega bo'lgan. 11 marta durang qayd etilgan. O'zaro o'yinlarda "Qizilqum" 47ta gol urgan va 33ta gol o'tkazib yuborgan.

Dastlabki davrada bu jamoalar o'rtasidagi o'yinda 1:1 hisobidagi durang qayd etilgan.

NAVBAHOR – AGMK
29 noyabr 2020 yil. Namangan. "Markaziy" stadioni. 14:30 (Yoshlar TV LIVE)
Hakamlar: Ahrol Risqullaev, Zufar Eliboev, Farhod Usmonov, Sanjar Nazarov
Nazoratchi: Timur Abdullaev
Komissar: Alisher Fayziev

Kumush medali uchun kurash olib borayotgan AGMK Namanganda "Navbahor" mehmoni bo'ladi.

Hozirgacha bu ikki klub o'zaro 25ta o'yin o'tkazgan. AGMK 11 marta, "Navbahor" 7 marta zafar quchgan. Qolgan 6ta bahsda durang qayd etilgan. O'zaro o'yinlarda olmaliqliklar 35ta gol urishgan va 33ta gol o'tkazishgan.

Birinchi davrada bu jamoalar o'rtasidagi bahsda 1:1 hisobi qayd etilgan.

BUNYODKOR – NASAF
29 noyabr 2020 yil. Toshkent. "Bunyodkor" stadioni. 14:30 (Madaniyat va Marifat TV LIVE)
Hakamlar: Zokir Qodirov, Anvar Marajabov, Ziyodulla Abdurahmonov, SHuxrat Rajabov
Nazoratchi: Baxtiyor Tog'aev
Komissar: Jahongir Rahmatullaev

Kumush medali uchun kurashayotgan "Nasaf" Toshkentda bronza medali uchun kurashayotgan "Bunyodkor" bilan o'ynaydi.

O'zaro o'tgan 27ta o'yindan 13tasida "Bunyodkor" g'olib bo'lgan, 4 bor "Nasaf" zafar quchgan. Qolgan 10ta bahsda durang qayd etilgan. O'zaro bahslarda "Qaldirg'ochlar" 40ta, "Ajdarlar" 20ta gol urishgan.

"Nasaf" safarda bu jamoani faqat bir marta mag'lub etgan (2014 yil). "Bunyodkor" o'zaro o'yinlarda so'nggi bor 2018 yilgi mavsumda g'alabaga erishgan, shundan keyin 3ta bahsda "Qaldirg'ochlar" yuta olishmayapti - 2ta durang, 1ta mag'lubiyat.

Birinchi davrada bu jamoalar o'rtasidagi bahsda 2:2 hisobi qayd etilgan.

LOKOMOTIV – PAXTAKOR
29 noyabr 2020 yil. Toshkent. "Paxtakor " stadioni. 16:15 (SPORT TV LIVE)
Hakamlar: Viktor Serazitdinov, Sardor Nishonboev, Avaz Abdullaev, Nayim Qosimov
Nazoratchi: Baxtiyor Namozov
Komissar: Bekzod Aripov.

So'nggi ikki yil chempioni "Paxtakor" undan oldingi uch yil chempioni "Lokomotiv" mehmoni bo'ladi.

CHempionatlar tarixida jamoalar jami 33 bor to'qnash kelishgan. Ularning 19tasida "Paxtakor" g'alaba qozongan. 8 bellashuvda durang natija qayd etilib, 6 marta "Lokomotiv" ustun kelgan. "SHerlar" 72ta gol urishgan, "Temiryo'lchilar" 31ta to'p kiritishgan.

Birinchi davrada o'tgan bahsda "Paxtakor" 7:0 hisobida g'alabaga erishgan.