CHex – baraban chalish, Bekxem – qilichbozlik. Yulduzlarning xobbisi

Albatta, ular butun hayotini futbolga bag'ishlamagan va futboldan boshqa xobbisi va o'ziga xos odatlari mavjudligi tabiiy. Keling, hozir bazi bir dunyo tanigan futbol yulduzlarining qiziqarli xobbilari qanaqa ekanligini bilib olamiz.

Petr CHex – barabanchi

Afsonaviy darvozabon Petr CHexning eng yoqtirgan xobbisi baraban chalishdir. CHexiyalik bu haqda interyularidan birida aytib o'tgan. Uning takidlashicha, 2010 yildan boshlab baraban chalishni o'rgana boshlagan. Hozir ham bazida oilaviy bayramlarda Petr "barabanchi" poziciyasida harakat qilib turadi.

Teo Uolkott – bolalar kitoblari muallifi

Angliyalik hujumchi Teo Uolkotning bolalar uchun mo'ljallangan kitoblar nashr ettirishi haqida eshitganmisiz? Kitoblar mavzusi asosan, futbolga bag'ishlangan. Angliyada kitobsevar ota-onalar farzandlari uchun Teodan yangi kitoblar kutishadi. 

Maykl Ouen – ot poygasi ishqibozi

"Liverpul" klubi sobiq futbolchisi sportnig yana bir boshqa turi – ot poygasiga jiddiy muxlislik qiladi. Eng yoqtirgan xobbisi otlarni poygaga tayyorlash. Yirik otxonasida bu uchun alohida odamlarni yollagan. SHaxsan o'zi ham kichik ot poygalarida qatnashib turadi.

Devid Bekxem – qilichboz

Futboldagi faoliyatidan keyin Gollivud hayotini tanlagan superyulduz qilichbozlikka ham qiziqib qolgan. Uning yaqin do'sti, kinoyulduz Uill Smit bu haqda shunday deydi:

"Ko'pincha Bekxem bilan Tom (Kruz)ning uyida qilichbozlik bilan soatlab shug'ullanamiz".

Xavi – qo'ziqorinchilik shinavandasi

"Barselona" afsonasi Xavining sevimli xobbilaridan biri – bu qo'ziqorinchilik. U hatto Jerar Pike hamda SHakirani qo'ziqorin terishga taklif qilgan. Gvardiola esa hazilomuz tarxda shunday degandi: 

"Qo'ziqorinchilardan yomonlik chiqmaydi".

Toni Kroos – nishonni poylash (darts).

Germaniyalik charm to'p ustasi Toni darts o'yinini yoqtiradi. Balki juda ko'p shug'ullangani uchunmi, bu futbolda o'z aksini topadi. Germaniya terma jamoasi futbolchilari Kroosning odatidan xabar topib, hazil sifatida unga darts sovg'a qilishgan.

Jo Allen – tovuqchilik fermalari sohibi

"Liverpul" klubi sobiq futbolchisi o'ziga xos biznesmen. Jo Allenning ayni payta bir nechta tovuq fermasi mavjud bo'lib, rafiqasi bilan birga tuxum sotiladigan do'konlarni tashkil qilishgan.

Yuqoridagilar ayrim futbolchilarning ajoyib va o'ziga xos qiziqishlari edi. Futbol – hammasi emas. Qiziqish va odatlardan voz kechish esa mushkul masala, hatto u qo'ziqorinchilik va tovuqchilik bilan aloqador bo'lsa ham.

SHuhrat Xomidov tayyorladi