"Buxoro": Jizzaxga borishni xohlovchi muxlislar diqqatiga

30-tur doirasida “Buxoro” jamoasi ushbu mavsumdagi o'zining eng muhim uchrashuvini o'tkazadi. Oliy ligada jan saqlab qolish uchun asosan “So'g'diyona” va “Buxoro” jamoasi kurash olib bormoqda. Taqdirni qarang-ki, ushbu ikki raqib so'nggi turda o'zaro bellashadi. Jizzaxda bo'ladigan uchrashuvda maydon egalarini durang natija qoniqtirsa, buxoroliklarni faqat va faqat g'alabagina oliy ligada saqlab qoladi.

Bu uchrashuv mamlakatimizning har bir futbol ishqibozining diqqat markazida turishi aniq. Viloyatlardan juda ko'plab futbol ishqibozlari Jizzax shahriga tashrif buyurib, “Yil o'yini” deya tarif etilayotgan uchrashuvni bevosita stadiondan turib tomosha qilish niyatida ekanliklari hozirdan ayon bo'lib bormoqda.

“Buxoro” jamoasini qo'llab-quvvatlash maqsadida Buxoro shahridan ham juda ko'plab muxlislar Jizzaxga yo'l olishlari kutilmoqda.

Malum guruh muxlislarga qulaylik yaratish maqsadida “Buxoro” PFK o'z ashaddiy muxlislariga “So'g'diyona”-“Buxoro” uchrashuvida o'z suyuklilarini qo'llab-quvvatlashlari uchun  5 dona avtobus  ajratdi. Ishqibozlarning Jizzax shahriga borib kelishlari mutlaqo BEPUL!

Eslatib o'tamiz “So'g'diyona”-“Buxoro” uchrashuvi 20 noyabr, soat 14:00 da boshlanadi.

Jizzaxga borishni xoxlovchi muxlislar quyidagi telefon raqamlarga murojaat qilishlari so'raladi:

Fan-klub raisi- Asadov Orif

+998 91 923-11-14

+998 90 299-65-56