“Bunyodkor”ning Minskdagi mashg'ulotlari boshlandi, Farruh Ikromov mashg'ulotlarga qaytdi

Viktor Karpenko murabbiyligidagi jamoa tushdan so'ng Minsk shahridagi ilk mashg'ulotini o'tkazdi. Belarus futbol federaciyasiga qarashli maydonda o'tkazilgan mashg'ulotda futbolchilarga og'ir yuklamalar berilmadi. O'yinchilar asosan to'p bilan shug'ullanishdi. 

Jamoa muxlislarini xursand qiladigan yangilik shuki, jiddiy jarohat sabab deyarli bir yilni maydondan tashqarida o'tkazayotgan Farrux Ikromov bugun umumiy guruhda mashg'ulotlarni boshladi, ammo engil jarohati bor Suhrob Izzatov yakka tartibda yugurish bilan cheklandi.