Bunyodkor Mirabror Usmonovni tabriklaydi!

Hozirgi paytda O'FF raxbariyati Braziliyaning San-Paulo shahrida bo'lib turibdi. Lotin Amerika qitasidan kelgan xushxabarga ko'ra, yurtimiz futboli raxbari FIFAning “Xizmatlari uchun” ordeni bilan mukofotlandi.

Mirabror Zufarovich boshchiligida O'zbekiston futbolini rivojlantirish uchun bir qancha ijobiy ishlar amalga oshirilmoqda. Juda ko'plab mamlakatlarda O'zbekistonning yoshlar va o'smirlar terma jamoalari qo'lga kiritayotgan yutuqlar takidlanmoqda.

O'zbek futboli infrastrukturasini kuchaytirish borasida olib borilayotgan ishlarning bevosita guvohi bo'lib turibmiz. Bunga misol sifatida yangi barpo etilgan va nafaqat professional futbolchilar, balki yosh va iqtidorli avlodni tarbiyalash borasida keng sharoitlarga ega bo'lgan “Bunyodkor” sport majmuasini keltirishimiz mumkin. Ulkan inshoatning yaratilishida Mirabror Zufarovning ulkan xizmatlari bo'ldi.

“Bunyodkor” FK raxbariyati va klubning barcha xodimlari jahon darajasidagi yuksak etirof – FIFAning “Xizmatlari uchun” ordeni bilan taqdirlangan Mirabror Zufarovni tabriklaydi. Ularga sog'lik-salomatlik, uzoq umr va olib borayotgan ishlari yanada muvaffaqiyatli bo'lishini tilaymiz.