"Bunyodkor" futbolchisi "Paxtakor"ga o'tishi mumkin

Toshkentning "Paxtakor" jamoasi "Bunyodkor"ning chap qanot himoyachisi Akrom Komilovning xizmatlariga jiddiy qiziqish bildirmoqda. SHota Arveladze boshchiligidagi "sherlar" transfer oynasi ochilganda chap qanotni kuchaytirishni maqsad qilmoqda. Malumotlarga ko'ra, "Paxtakor" yozda "Bunyodkor"dan Akrom Komilovning transfer huquqini sotib olishi mumkin.

Ayni shu masalada Akrom Komilov bilan bog'langanimizda, "qaldirg'ochlar" himoyachisi ushbu qiziqishni tasdiqladi. Lekin hali ushbu transfer masalasi rasman hal etilmaganini takidladi. Akrom Komilov "Bunyodkor" bilan yil yakuniga qadar amalda shartnomasi borligi va agarda "Paxtakor" uni sotib olmoqchi bo'lsa, unda klub bilan ham bog'lanishi lozimligini bildirdi.

"Bunyodkor" bosh murabbiyi Mirjalol Qosimov "Nasaf"ga qarshi o'yindan keyingi matbuot anjumanida jamoaning moliyaviy holatini tiklashga yordam berishi mumkin bo'lgan har qanday qiziqarli takliflarni ko'rib chiqishga tayyor ekanliklarini malum qilgandi.

"So'g'diyona", "Navbahor" va "Paxtakor" "Nasaf" etakchisini sotib olmoqchi